ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⴱⴰⴷⵍ ⵣⵣⵎⴰⵏ
ⵉⴱⴰⴷⵍ ⵣⵣⵎⴰⵏ ⵉⴱⴰⴷⵍ ⴷⵉⵙ ⵓⴼⴳⴰⵏ
ⵜⴱⴰⴷⵍ ⵓⵍⴰ ⵜⴰⵢⵔⵉ
ⵓⵔ ⵙⵓⵍ ⵉⵃⵏⵏⴰ ⵡⵓⵍ
ⵇⵇⵓⵕⵏⵜ ⵡⴰⵍⵍⵏ ⵣⵓⵏ ⵉⵜⵎⴰⵡⵏ
ⵉⴳⴳⴰⵎⵎⵉ ⵉⵎⵉ ⴰⴷ ⵉⵙⴰⵡⴰⵍ
ⵉⵎⵣⴳⴰⵏ ⵓⵔ ⴰⵔ ⵙⵓⵍ ⵙⵙⴼⵍⵉⴷⵏ
ⴰⵍⵍⵏ ⵓⵔ ⴰⵔ ⵙⵎⵓⵇⵇⵓⵍⵏⵜ
ⵉⴹⴰⵕⵕⵏ ⵓⵔ ⴰⵔ ⵣⵣⵉⴳⵉⵣⵏ
ⵉⴼⴰⵙⵙⵏ ⵓⵔ ⴰⵔ ⵜⵜⵎⵓⵙⵙⵓⵏ
ⵔⴰⴷ ⵉⵢⵉ ⵜⵉⵏⵉⵎ ⵀⴰⵏⵏ ⵍⵎⵓⵜ ⴰⵢⴰⵏⵏ
ⵥⵓⵥⴹⵖ,ⵎⴰⴷ ⵉⵙ ⴽⴰ ⵜⴳⴰ ⵍⵎⵓⵜ ⴰⴷ ⵉⵢⵉ ⵜⴰⵡⵉ
ⴰⴷ ⴽⴰ ⵜⵜⵓⵖ ⵎⴰⴷ ⴼⵍⵍⴰ ⵉⵣⵔⵉⵏ
ⵎⴰⵜⴰ ⴷⴷ ⵉⵙ ⴽⴰ ⵉⵍⵍⴰ ⵕⵕⵓⵃ ⵏⴳⵔ ⵉⴼⴰⵙⵙⵏ ⵏⵏⵖ
ⵉⴽⵓⵜ ⵏⴳⴰ ⵜⵜⵎⴰⵎ ⵉ ⵓⵙⵙⴰⵏ ⵏⵏⵖ
ⴽⵓⴷⵏⵏⴰ ⴰⵖ ⵜⵖⵍⵉ ⵜⵓⴷⵔⵜ ⵅⴼ ⵓⴳⴰⵢⵢⵓ
ⴰⴼⴳⴰⵏ ⵢⵉⵡⵉ ⵜⵜ ⵖ ⵍⵀⵎⵎ ⵏⵏⵙ
ⵓⵔ ⵜ ⵙⵓⵍ ⵀⵎⵎⴰⵏ ⴰⵢⵜ ⴷⴰⵔⵙ ⵓⵍⴰ ⵜⴰⵡⵊⴰ ⵏⵏⵙ
ⵓⵔ ⵜ ⵉⵀⵎⵎⴰ ⴰⴱⵍⴰ ⵍⵎⴰⵍ ⴷ ⵟⵟⵎⵄ
ⵎⴰⵛⵛ ⵔⴰⴷ ⴷ ⵙⵓⵍ ⵢⴰⵛⴽ ⵢⴰⵏ ⵡⴰⵙⵙ ⵔⴰⴷ ⵉⵇⵇⵉⴹⵉ
ⵍⵎⴰⵍ ⴼⵍⵏ ⵜ ⵉⵎⴷⴷⵓⴽⴽⴰⵍ
ⵉⵖⴰⵎⴰ ⴷ ⵡⴰⵃⴷⵓⵜ
ⵔⴰⴷ ⵢⵉⵔⵉ ⴰⴷ ⴽⴰ ⵉⵥⵕ ⴰⵢⵜ ⴷⴰⵔⵙ ⴷ ⵜⴰⵡⵊⴰ ⵏⵏⵙ
ⵔⴰⴷ ⵢⵉⵔⵉ ⴰⴷ ⴽⴰ ⵙⵉⵙⵏ ⵉⵙⴰⵡⵍ
ⵎⴰⵛⵛ ⵓⵔ ⴰⵙ ⵢⵓⴼⵉ
ⵜⵎⴰⵟⵍⵜ ⵏⵏ ⴰⵢⴰⴼⴳⴰⵏ
ⵉⵙⴽⵔ ⵜⵜ ⵙⵓⵍ ⴳⵉⴽ ⵣⵣⵎⴰⵏ
ⵣⵣⵎⴰⵏ ⴰⵎⵖⴷⴰⵔ
ⵣⵣⵎⴰⵏ ⵉⵜⵜⴱⴰⴷⴰⵍⵏ
