ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵏⵎⴰⵍⴰ ⵜⵎⴷⵉⵏⵜ ⵏ ⴹⴰⵕⵍⴱⵉⴹⴰ ⴰⵙⵙ ⵏ ⵓⵙⵎⴰⵙ ⵎⴰⵢⵢⵓ, ⵢⴰⵜ ⵜⴼⵓⴳⵍⴰ ⵜⴰⵏⴰⵥⵓⵔⵜ ⴷ ⵜⴷⵍⵙⴰⵏⵜ, ⵙ ⵜⵎⵍⴷⴰ ⵏ ⵓⵙⵎⵖⵔ ⵙ ⵓⵙⵍⵎⴰⴷ ⴷ ⵓⵎⵜⴰⵖ ⴰⵎⴰⵣⵉⵖⵉ ⴱⵔⴰⵀⵉⵎ ⴰⵇⴷⵉⵎ, ⵙ ⵜⵙⵏⵜⴰⵢⵜ ⵏ ⵛⵉⴳⴰⵏ ⵏ ⵜⵉⵕⵡⵉⵏ ⵜⵉⴷⵍⵙⴰⵏⵉⵏ ⴷ ⵜⵏⴰⵥⵓⵕⵉⵏ ⴷ ⵜⵙⵎⵓⵏⴰⵢ ⵜⵉⵎⴰⵣⵉⵖⵉⵏ ⴳ ⴰⵏⴼⴰ, ⵃⵎⴰ ⴰⴷ ⵜⵉⵍⵉ ⵜⵍⴽⴽⴰⵡⵜ ⵙ ⵓⵣⴰⵣⵓ ⵏⵏⵙ ⴰⵎⵇⵔⴰⵏ ⴷ ⵓⴱⵣⴰⵔ ⵏ ⵓⵊⵎⵉⵍ ⵏⵏⵙ ⵉ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵜⵡⵓⵔⵉ ⵜⴰⵏⴰⵎⵓⵏⵜ ⴷ ⵜⵡⵓⵔⵉ ⵜⴰⵎⵙⵎⵓⵏⵜ.
ⵀⴰ ⵏⵏ ⵉⵥⴹⴰⵕ ⴰⴷ ⵙⵙⵏⵜⵉⵜ ⵜⵕⵡⵉⵢⵉⵏ ⵏ ⵜⵉⵣⵉ ⵜⴰⴷⵍⵙⴰⵏⵜ ⵣⴳ ⵜⵣⵡⵉⵔⵉ ⵏ ⵜⵙⵔⴰⴳⵜ ⵜⵉⵙ ⵙⵉⵏ ⵏ ⵜⴷⴳⴳⵯⴰⵜ ⴳ ⵡⴰⵎⵎⴰⵙ ⴰⴷⵍⵙⴰⵏ ⵄⴱⴷⵍⵍⴰⵀ ⴽⴰⵏⵓⵏ ⴳ ⵄⵉⵏ ⵛⵛⵓⵇ, ⵙ ⵜⵉⵍⵉⵜ ⵏ ⵛⵓⴳⴰⵏ ⵏ ⵉⵏⴰⵥⵓⵕⵏ ⴷ ⵉⵎⵢⴰⵖⵏ ⵉⴷⵍⵙⴰⵏⵏ ⴷ ⵉⵎⵙⵎⵓⵏⵏ ⵀⴰ ⴷ ⵉⵏⵖⵎⴰⵙⵏ ⵣⴳ ⵜⵓⴳⵜⵜ ⵏ ⵜⵎⴷⵉⵏⵉⵏ.
ⵢⵓⵎⴰ ⵓⵖⴰⵡⴰⵙ ⵏ ⵓⵙⴼⵓⴳⵍⵓ ⵜⵉⴳⵟⵟⵓⵎⵉⵏ ⵜⵉⵏⴰⵥⵓⵕⵉⵏ ⵀⴰ ⴷ ⵜⴰⵢⵙⵉⵏ ⵜⵉⵎⵢⴰⵏⴰⵡⵉⵏ, ⵙ ⵜⴷⵔⴰⵡⵜ ⵏ ⵜⴳⵔⵓⵎⵎⴰ ⵙⴳ ⵜⵔⵓⴱⴱⴰ ⵜⵉⵏⴰⵥⵓⵕⵉⵏ ⵜⵉⵎⴰⵣⵉⵖⵉⵏ, ⵣⵉⴳⵙⵏⵜ ⵜⵔⴰⴱⴱⵓⵜ ⵏ “ⴰⵃⵡⴰⵛ ⵄⵡⴰⴷ ⵜⵉⵣⵏⵉⵜ” ⴷ “ⴰⵃⵡⴰⵛ ⵜⵉⴼⴰⵡⵉⵏ ⵙⵓⵙ”, ⵙ ⵜⵔⵏⴰⵡⵜ ⵏ ⵜⵔⴰⴱⴱⵓⵜ ⵏ “ⴱⵏⴰⵜ ⴰⵎⵍⵏ” ⵙⵜⵏⵙⵙⵉⵅⴼⵜ ⵏ ⵜⵏⴰⵥⵓⵕⵜ “ⵙⵙⴼⵢⵢⴰ” ⴳ ⵜⵏⵉⵍⴰ ⵏ ⵜⴷⵔⴰⵡⵜ ⵏ ⵓⵏⴰⵥⵓⵕ ⵄⵍⵉ ⵛⵓⵀⴰⴷ.
ⵖⵉⴽⵍⵍⵉ ⵉⵙⵏⵎⴰⵍⴰ ⵓⵏⵎⵓⵇⵇⴰⵔ ⴰⴷ ⴰⵙⴼⵙⵔ ⵜⵉⴼⵉⵍⵉⵏ ⵏ ⵓⵕⵛⴰⵎ ⵙ ⵜⴷⵔⴰⵡⵜ ⵏ ⵛⵉⴳⴰⵏ ⵉⵏⴰⵥⵓⵕⵏ ⵏⵏⴰ ⵉⵛⵛⵕⴰⴹⵏ, ⵣⵉⴳⵙⵏ ⴰⵏⴰⵥⵓⵕ ⵄⴰⵍⵉ ⴱⵓⵕⵊⴰ, ⴷ ⵜⵏⴰⵥⵓⵕⵜ ⵕⴰⵛⵉⴷⴰ ⵀⵎⵓⵛ, ⴷ ⵜⵏⴰⵥⵓⵕⵜ ⵃⴰⴱⵉⴱⴰ ⵀⵡⴰⵙⵉ, ⴳ ⵜⵏⵉⵍⴰ ⵏ ⴽⵔⴰ ⵜⵙⴰⵡⵔⵉⵏ ⵏⵏⴰ ⵉⵜⵜⴰⵡⴼⴽⴰⵏ ⵉ ⵉⵃⵏⵊⵉⵔⵏ ⵉⵙⵙⵎⵓⵏⵏ ⵉⵏⴳⵔ ⵜⴰⵥⵓⵕⵉ ⵏ ⵓⵕⵛⴰⵎ ⴷ ⵓⵙⵎⵙⵙⵓ ⴰⵙⴳⵎⴰⵏ.
ⵎⴰⵙ ⵏⵏⴰⵏ ⵡⵉⵍⵍⵉ ⵉⵙⵏⵎⴰⵍⴰⵏ ⴰⵙⴼⵓⴳⵍⵓ ⵉⴳⴰ ⵢⴰⵜ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵜⵉⴽⴽⵉ ⵜⴰⴷⵍⵙⴰⵏⵜ ⴷ ⵜⵏⴰⵥⵓⵕⵜ ⵏ ⵓⵙⵍⵎⴰⴷ ⴱⵕⴰⵀⵉⵎ ⵡⴰⵇⴷⵉⵎ.
ⴰⵙⵓⵖⵍ: ⵙⵎⴰⵄⵉⵍ ⵎⵄⵏⴰⵏ
ⴰⵣⵣⵔⴰⵢ: ⵕⴰⵛⵉⴷⴰ ⵉⵎⵔⵣⵉⴳ
