ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵢⴰⵜ ⵜⵖⴰⵔⴰⵙⵜ ⵜⴰⵙⴳⵎⴰⵏⵜ ⴷ ⵜⴷⵍⵙⴰⵏⵜ ⵉⴼⵓⵍⴽⵉⵏ, ⵜⵣⵎⵎⴻⵎ ⵜⵓⵜⵍⴰⵢⵜ ⴷ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵢⴰⵜ ⵜⵉⵍⵉⵜ ⵉⴷⵓⵙⵏ ⵀⴰ ⵉⵛⵡⴰⵏ ⴳ ⵓⵎⵓⵙⵙⵓ ⵏ ⵓⵏⵎⵓⵇⵇⴰⵔ ⴰⵙⴳⵯⵙⴰⵏ ⵏ ⵓⵏⵏⵓⵕⵥⵎ ⴷ ⵓⵙⵏⴼⵍⵓⵍ ⵍⵍⵉ ⵜⵙⵏⵎⴰⵍⴰ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴳ ⵙⵉⴷⵉ ⴱⵕⵏⵓⵚⵉ, ⵎⴰⵙ ⴰⵖⵓⵍⵏ ⴰⵉⵙⵢⵔⴰⵔⵏ ⵏ ⵓⵏⵎⵓⵇⵇⴰⵔ ⵖⵔ ⵢⴰⵜ ⵜⴷⴰⴱⵓⵜ ⵏ ⵓⵙⴼⵓⴳⵍⵓ ⵙ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ⵉⵍⴰⵏ ⵜⵓⴳⵜⵜ ⵏ ⵉⵖⴱⵓⵍⴰ, ⴷ ⵓⵙⴱⵏⵏⴷ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵍⵍⵉ ⵢⴳⴰⵏ ⵢⴰⵏ ⵓⴼⵔⴷⵉⵙ ⴰⵕⵚⵍⵉ ⵉⴹⴼⵓⵕⵏ ⵉⴼⵔⴷⵉⵙⵏ ⵏ ⵓⵡⵔⵉⴽ ⴰⵏⴰⵎⵓⵔ.
ⵏⵏⵓⵕⵥⵎⵏ ⵉⵏⵎⵓⵇⵇⴰⵔⵏ ⵉⵥⵍⵉⵏ ⵙ ⵜⵎⴰⵣⵉⵖⵜ ⵉⵙⵙⵏⵜⵉⵏ ⴳ ⵜⴼⴰⵡⵜ ⵏ ⵡⴰⵙⵙ ⵏ ⵓⴽⵕⴰⵙ 20 ⵎⴰⵢⵢⵓ 2026 ⴰⴷ ⵜⵙⵏⵎⴰⵍⴰ ⵏ « ⵓⵎⵓⴷⴷⵓ ⴰⵎⴰⵣⵉⵖ », ⵍⵍⵉ ⵉⴳⴰⵏ ⵢⴰⵏ ⴰⵙⴰⵢⵔⴰⵔ ⴰⵙⴳⵎⴰⵏ ⴷ ⵓⴷⵍⵙⴰⵏ ⵉⴼⴽⴰⵏ ⵉ ⵉⵏⴱⴳⵉⵡⵏ ⴰⴷ ⵙⴽⵔⵏ ⵢⴰⵜ ⵜⵡⴰⴷⴰ ⵏ ⵜⵡⴰⴼⵉⵜ ⴳ ⵉⵙⵔⵙⴰⵏ ⵓⴷⵔⵉⵔⵏ ⵍⵍⵉ ⵢⵎⵍⴰⵏ ⵜⴱⵓⵖⵍⵓⵜ ⵏ ⵓⵢⴷⴰ ⴰⵎⴰⵣⵉⵖⵉ ⴰⵎⵖⵔⵉⴱⵉ ⴷ ⵓⵎⵢⴰⵏⴰⵡ ⵏⵏⵙ ⴰⵊⵖⵔⴰⴼⵉ ⴷ ⵓⴷⵍⵙⴰⵏ, ⵣⴳ ⵓⵢⴼⴼⵓⵙ ⴷ ⵓⵢⴼⴼⵓⵙ ⴰⵎⵙⵏⵇ, ⴰⵔ ⵍⴰⵟⵍⴰⵚ ⴷ ⴰⵔⵔⵉⴼ. ⵉⵙⴼⵔⵓ ⵓⵎⵓⴷⴷⵓ ⴰⴷ ⵙ ⵉⵙⴽⴰⵏⵏ ⵏ ⵜⵥⵕⵉⵡⵉⵏ ⴷ ⵓⵙⵏⴼⵍⵓⵍ ⴰⵏⴰⵥⵓⵕ ⴷ ⵉⵎⵓⵙⵙⵓⵜⵏ ⵏ ⵓⵎⵔⴰⵔⴰ ⵍⵍⵉ ⵙⴽⵔⵏ ⵉⵏⵍⵎⴰⴷⵏ ⴷ ⵉⵙⵍⵎⴰⴷⵏ ⴰⵙⵏⴼⵍⵓⵍ, ⴳ ⵢⴰⵜ ⵜⵉⵥⵕⵜ ⵉⵎⵍⴰⵏ ⴰⵎⵓⵔⵙ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵜ ⴳ ⵓⵙⴷⵓⵙ ⵏ ⵉⵣⴰⵍⵉⵡⵏ ⵏ ⵜⵎⴰⴳⵉⵜ ⴷ ⵓⵏⵏⵓⵕⵥⵎ ⵀⴰ ⴷ ⵓⵙⵏⴼⵍⵓⵍ.
ⴳ ⵜⴷⴳⴳⵯⴰⵜ ⵏ ⵡⴰⵙⵙ ⴰⴷ ⵏⵉⵜ, ⵉⵙⵏⵓⴱⴱⴳ ⵓⵏⵎⵓⵇⵇⴰⵔ ⵢⴰⵜ ⵜⵙⵇⵇⴰⵢⵎⵓⵜ ⵍⵍⵉ ⵙⵡⵓⴷⴷⵓⵏ ⵉⵙⵍⵎⴰⴷⵏ ⵉⵎⵉⵏⴰⵡⵏ ⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⴳ ⴳ ⴱⵔⵔⵛⵉⴷ, ⵎⵓⵃⵎⵎⴰⴷ ⵍⵎⵓⵄⵉⵏ ⴷ ⵓⵙⵍⵎⴰⴷ ⴼⴰⵢⵚⴰⵍ ⵎⵓⵜⵜⴰⵇⵉ, ⵜⴱⴷⴷ ⴼ ⵓⵙⵏⵜⵍ: » ⵉⵎⵓⵙⵙⵓⵜⵏ ⵉⵎⵙⴰⴷⴰⵖⵏ ⵢⴰⵏ ⵓⵙⵙⴰⵍⵉ ⵏ ⵓⵍⵎⵎⵓⴷ ⴷ ⵓⵙⵓⵙⵙⵏ ⵙ ⵜⵎⴰⴳⵉⵜ ⵜⴰⵎⴰⵣⵉⵖⵜ », ⴷⴰⵢ ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵎⵢⴰⵏⴰⵡ ⵏ ⵜⵉⵔⵎⵉⵜⵉⵏ ⵜⵉⵙⴳⴰⵏⵉⵏ ⴷ ⵓⴱⵟⵟⵓ ⵏ ⵜⵎⵢⵓⵔⵉⵏ ⵉⵎⵓⵔⵙⵏ ⴳ ⵢⵉⴳⵔ ⵏ ⵓⵙⵉⴷⴼ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ ⴳ ⵓⴳⵏⵙ ⵏ ⵜⵓⴷⵔⵜ ⵜⴰⵏⵎⵍⴰⵏⵜ, ⴷ ⵓⵙⵎⵏⵉⴷ ⵏ ⵜⵏⵉⵎⵓⵔⵜ ⵏ ⵉⵎⵓⵙⵙⵓⵜⵏ ⴷ ⵢⵓⵙⴰⵏ ⴳ ⵓⵙⴷⵓⵙ ⵏ ⵉⵙⵙⵍⵎⴷ ⴷ ⵓⵙⴱⵓⵖⵍⵓ ⵏ ⵓⵙⴼⵔⴽ ⴰⴷⵍⵙⴰⵏ ⴷ ⵜⵎⴰⴳⵉⵜ ⵖⵔ ⵉⵏⵍⵎⴰⴷⵏ.
ⵖⵉⴽⵍⵍⵉ ⵜⵏⵢⴰⴷⴷⵓ ⵜⵉⵏⴰⵡⵜ ⴰⴷ ⵉⴼⵓⵍⴽⵉⵏ ⴳ ⵜⴼⴰⵡⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ 22 ⵎⴰⵢⵢⵓ 2026 ⵙ ⵓⵙⵏⵎⴰⵍⴰ ⵏ ⵢⴰⵏ ⵓⵙⴼⵙⵔ ⵏ ⵡⴰⵢⴷⴰ ⴰⵎⴰⵣⵉⵖ ⵙ ⵉⴳⵣⵣⵓⵎⵏ ⵏⵏⵙ ⴰⴽⵎⴰⵎ ⴷ ⵡⴰⵔⴽⵎⴰⵎ, ⵉⵙⵎⵓⵏⵏ ⵉⴼⵙⴰⵔⵏ ⵉⴷⴱⵏⵉⵏ, ⴷ ⵜⵎⵍⵙⴰ ⴷ ⵉⵎⴰⵙⵙⵏ ⵏ ⵡⴰⵢⴷⴰ, ⴷ ⵉⴼⴰⵔⵙⵏ ⵉⵏⴰⵥⵓⵕⵏ ⴷ ⵉⵎⵙⵏⴼⵍⵓⵍⵏ, ⴳ ⵜⵏⵉⵍⴰ ⵏⵏⵙ ⵜⵉⵙⴷⴷⴰⵔⵉⵏ ⵏ ⵓⵙⵓⵙⵙⵏ ⵙ ⵜⵎⵢⵓⵔⵉⵏ ⴷ ⵜⵙⴹⴼⴰⵕ, ⵀⴰ ⴷ ⵜⵥⵓⵕⵉⵡⵉⵏ ⵜⵉⵎⴰⵣⵉⵖⵉⵏ ⵜⵉⵚⵍⵉⵢⵉⵏ. ⵖⵉⴽⵍⵍⵉ ⵉⴳⴰ ⵓⵙⴼⵙⵔ ⴰⴷ ⵢⴰⵏ ⵓⵙⵢⵔⴰⵔ ⵉⴼⵓⵍⴽⵉⵏ ⵉ ⵓⵎⵢⴰⴽⴰ ⴰⴷⵍⵙⴰⵏ ⴷ ⵓⵙⴳⵎⴰⵏ, ⵏⵏⴰ ⴰⴷ ⵉⵙⵙⴽⵛⵎⵏ ⴰⵏⵀⵍⵍⴰ ⵉⵏⵔⵣⴰⴼ ⴷ ⵡⵉⵍⵍⵉ ⵉⵔⴰⵏ ⴰⵙⴽⴽⵉⵏ ⴰⵙⴳⵎⴰⵏ ⵀⴰ ⴷ ⵓⴷⵍⵙⴰⵏ.
ⵙⵙⵏⵏ ⵉⵎⵓⵙⵙⵓⵜⵏ ⴰⴷ ⵢⴰⵜ ⵜⴷⵔⴰⵡⵜ ⵜⴰⵎⵇⵔⵏⴰⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵣⴳ ⵡⴰⵟⵟⴰⵚ ⵏ ⵜⵎⵀⵍⵉⵡⵉⵏ ⵏ ⵜⵙⴳⵉⵡⵉⵏ, ⵀⴰ ⴷ ⵜⵎⵔⵙⴰⵍ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵎⴰⵜⵜⴰⴳ ⴷ ⵓⵙⵉⵏⴰⵏ, ⴷ ⵜⵎⵙⵎⵓⵏⵉⵏ ⵜⵉⵎⴷⵔⴰⵡⵉⵏ, ⴷ ⵉⵏⴰⵥⵓⵕⵏ ⴷ ⵉⵎⵙⵏⴼⵍⵓⵍⵏ ⵍⵍⵉ ⵢⵎⵍⴰⵏ ⵜⴰⵢⵔⵉ ⵏⵏⵙⵏ ⵜⴰⵎⵇⵔⴰⵏⵜ ⵙ ⵎⴰⴷ ⴼⴽⴰⵏ ⵉⵏⵍⵎⴰⴷⵏ ⴳ ⵉⴼⴰⵔⵙⵏ ⴷ ⵓⵙⵏⴼⵍⵓⵍ ⵉⵎⵍⴰⵏ ⴰⵙⵡⵉⵔ ⵢⴰⵜⵜⵓⵢⵏ ⵙ ⵜⵎⴰⴳⵉⵜ ⵜⴰⵏⴰⵎⵓⵔⵜ ⴷ ⵉⵎⴰⵏ ⵏ ⵓⵙⵍⵍⵡⵉ ⴳ ⵓⴳⵏⵙ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵜ.”
ⵉⵙⴷⴷⵉⴷ ⵜⵉⵔⵎⵉⵜ ⴰⴷ ⵜⴰⵙⴳⵎⴰⵏⵜ ⴷ ⵜⴰⴷⵍⵙⴰⵏⵜ ⵎⴰⵙ ⵓⵔ ⵉⴱⴷⴷ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵖⴰⵙ ⵅⴼ ⵓⵎⵏⵉⴷ ⵏ ⵓⵙⵙⵍⵎⴷ ⵡⴰⵀⴰ, ⵎⴰⵛⴰ ⵢⴰⵖⵓⵍ ⵉⴳⴰ ⵢⴰⵏ ⵓⵙⵏⵜⵉ ⴰⴷⵍⵙⴰⵏ ⴷ ⵓⵙⴳⵎⴰⵏ ⵉⵎⵉⴷⵉ ⵏⵏⴰ ⵉⵔⴰⵏ ⴰⵙⴷⵓⵙ ⵏ ⵉⵣⴰⵍⵉⵡⵏ ⵏ ⵜⵎⵓⵔⵉ ⴷ ⵓⵙⵙⵎⵖⵔ ⵙ ⵜⵎⴰⴳⵉⵜ ⴷ ⵓⵕⵥⵥⵓⵎ ⵅⴼ ⵓⵎⵢⴰⵏⴰⵡ ⴰⴷⵍⵙⴰⵏ ⴰⵎⵖⵔⵉⴱⵉ.
ⵙⴳ ⵉⵣⵡⵉⵍⵏ ⵍⵍⵉ ⵢⵎⵍⴰⵏ ⵉⵎⴰⵏ ⵏ ⵜⴷⵔⴰⵡⵜ ⴰⴷ:
- « ⵜⴰⵎⴰⵣⵉⵖⵜ… ⵜⴰⵎⴰⴳⵉⵜ, ⴰⵙⵏⴼⵍⵓⵍ, ⴷ ⵜⵉⵍⵉⵜ »
- « ⵣⴳ ⵜⵉⵏⵎⵍ ⴰⵔ ⴷ ⵜⴼⴼⵓⵖ ⵜⴽⵜⵉⵜ ⵏ ⵡⴰⵎⵓⵔ »
ⵓⵛⴰ ⵉⵎⵓⵔⵙ ⵜⵡⵓⵔⵉⵡⵉⵏ ⵏ ⵜⵎⴰⵣⵉⵖⵜ ⴳ ⵓⵏⵎⵓⵇⵇⴰⵔ ⴰⴷ ⴳ ⵓⵙⵎⵏⵉⴷ ⵏ ⵢⴰⵜ ⵜⵡⵍⴰⴼⵜ ⵉⵕⵡⴰⵏ ⵅⴼ ⵜⵉⵏⵎⵍ ⵜⴰⵎⵖⵔⵉⴱⵉⵜ, ⵣⵓⵏⴷ ⴰⵙⴰⵢⵔⴰⵔ ⵏ ⵜⵓⴳⵜⵜ-ⵜⴷⵍⵙⴰ ⴷ ⵉⵡⵏⵏⴰ ⵏ ⵓⵙⵏⴼⵍⵓⵍ, ⵉⵥⵥⵓⵏ ⵉⵣⵔⴰⴼⵏ ⴳ ⵓⵍ ⵉⵏⵏⴰⵏ ⴰⵙⵙⴰⵔⵓ ⴳ ⵜⴰⴷⵍⵙⴰ ⴷ ⵜⵎⴰⴳⵉⵜ, ⵉⴳⴰ ⵢⴰⵏ ⵓⵙⵙⴰⵔⵓ ⴳ ⵓⴼⴳⴰⵏ ⴷ ⵢⵉⵎⴰⵍ.
ⴰⵙⵓⵖⵍ : ⵙⵎⴰⵄⵉⵍ ⵎⵉⵏⴰⵏ
ⴰⵣⵣⵔⴰⵢ: ⵕⴰⵛⵉⴷⴰ ⵉⵎⵔⵣⵉⴳ
