ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴱⵜⵉⵙⴰⵎ ⵅⴱⵉⵣⴰ ⵉⵛⵜ ⵣⴳ ⵜⵎⴰⵔⴰⵜⵉⵏ ⵜⵉⵃⵓⴷⵔⵉⵢⵉⵏ, ⴷⴳ ⵜⵓⵍⵍⵉⵙⵉⵏ ⵏⵙ « ⵉⵅⵎⵕⴰⵡⵏ » ⵜⵣⵔⵣ ⵜⴰⵄⵊⵊⴰⵊⵜ, ⵜⴽⴽⵙ ⴰⴼⵔⴰⵢ ⵅⴼ ⵢⵉⵙⵏⵜⴰⵍ ⵉ ⵅⴼ ⵉⵎⵙⴰⵔ ⵉⵙⵖⴷⵉ ⴷⴳ ⵡⴰⵎⵓⵏ. ⵜⴽⴽⵙ ⴰⴼⵔⴰⴳ ⵅⴼ ⵢⵉⵛⵜ ⵏ ⵜⵉⴷⵜ ⵜⵏⵏⵓⴼⴼⵔ, ⵜⵜⵡⴰⵍⴰⵏ ⵜⵜ ⴷ ⵟⵟⴰⴱⵓ.
ⴷⴳ ⵓⵎⵙⴰⵡⴰⵍ ⴰ ⵜⵇⵇⴰⵔ ⴱⵜⵉⵙⴰⵎ ⵅⴱⵉⵣⴰ « ⵜⵉⵔⴰ ⵜⵜⵡⴰⵍⵉⵖ ⵜⵜ ⴷ ⴰⵣⴳⵏⴼⵉ ⵣⴳ ⵓⵎⵀⴰⴼⵉ ⴷ ⵍⵡⵃⵍⴰⵏ. ⵜⵉⵔⴰ ⵜⵕⵥⵥⵎ ⴰⵏⵖ ⵜⵉⵟⵟⴰⵡⵉⵏ ⵅⴼ ⵓⵎⴰⴹⴰⵍ, ⴰ ⵎⵏ ⵜⵙⵙⵎⵙⴰⴷⴰⵙ ⴰⴳⴷⵓⴷⵏ ⴷ ⵎⵉⴷⴷⵏ ».
ⴷⴳ ⵓⵎⵣⵡⴰⵔⵓ, ⵎⴰⵎⴽ ⵜⵙⵎⵉⵏⴷⵉⴷ ⵉⵅⴼ ⵏⵏⵎ, ⴷ ⵎⵉⵏ ⵜⵄⵏⴰ ⵜⵉⵔⴰ ⵙ ⵜⵖⵓⵏⵉ ⵖⴰⵔⵎ ⴷ ⵜⵖⵓⵏⵉ ⴰⴽⴷ ⵜⴼⴳⴰⵏⵜ?
ⴰⵣⵓⵍ, ⵜⴰⵏⵎⵎⵉⵔⵜ ⵅⴼ ⵓⵎⵙⴰⵡⴰⵍ ⴰ, ⵜⴰⵏⵎⵎⵉⵔⵜ ⵓⵍⴰ ⵅⴼ ⵜⴰⵢⵏⵉⵜ ⵉ ⵜⴻⵜⵜⵔⵔⴰⵎ ⴷⴳ ⵓⵖⵎⵉⵙ ⴰ ⵉ ⵢⵉⵎⴰⵔⴰⵜⵏ/ⵜⵉⵎⴰⵔⴰⵜⵉⵏ ⵏ ⵜⵙⴽⵍⴰ ⵜⴰⵎⴰⵣⵉⵖⵜ.
ⴱⵜⵉⵙⴰⵎ ⵅⴱⵉⵣⴰ ⴷ ⵜⴰⵙⵍⵎⴰⴷⵜ ⵏ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ, ⴷ ⵜⴰⵎⵣⵔⴰⵡⵜ, ⵜⵜⴳⴳⵖ ⴷⴷⵓⴽⵜⵓⵔⴰ ⴷⵉ ⵜⵙⵏⵉⵍⵙⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⴷ ⵜⴰⴳⵎⴰⵎⵜ ⴷⴳ ⵡⴰⵎⵎⴰⵙ ⵏ ⵜⵔⵣⵣⵓⵜⵉⵏ ⴷ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴷⵉ ⴰⵔⵉⴼ.
ⵜⵉⵔⴰ ⵜⵜⵡⴰⵍⵉⵖ ⵜⵜ ⴷ ⴰⵣⴳⵏⴼⵉ ⵣⴳ ⵓⵎⵀⴰⴼⵉ ⴷ ⵍⵡⵃⵍⴰⵏ. ⵜⵉⵔⴰ ⵜⵕⵥⵥⵎ ⴰⵏⵖ ⵜⵉⵟⵟⴰⵡⵉⵏ ⵅⴼ ⵓⵎⴰⴹⴰⵍ, ⴰ ⵎⵏ ⵜⵙⵙⵎⵙⴰⴷⴰⵙ ⴰⴳⴷⵓⴷⵏ ⴷ ⵎⵉⴷⴷⵏ.
ⵎⵍⵎⵉ ⵜⵙⵙⵏⵜⴰ ⵜⵓⴷⴰⵔⵜ ⵏⵏⵎ ⵜⴰⵙⴽⵍⴰⵏⵜ? ⴷ ⵎⴰ ⵏ ⵜⵉⴼⵔⴰⵙ ⵉ ⴽⵙⵉⵏ ⵉⴹⵕⵉⵚⵏ ⵏⵏⵎ?
ⴰⵙⵏⵜⵉ ⵉⵜⵜⴷⵡⴰⵏ ⵖⵔ ⵜⵎⵥⵉ ⵉⵏⵓ, ⵜⵓⵖⴰ ⵉⵄⵉⵣⵣ ⵅⴰⴼⵉ ⴰⴷ ⵖⵔⵖ, ⴰⴷ ⴰⵔⵔⵉⵖ ⵉⵅⴰⵕⵕⵉⵚⵏ ⵉⵏⵓ. ⵎⴰⵛⴰ, ⴰⴷⵍⵉⵙ ⵉⵏⵓ ⴰⵎⵣⴳⴰⵔⵓ ⵉⴼⴼⵖ ⴷ ⴷⴳ ⵓⵙⴳⴳⵯⴰⵙ ⵏ 2019 ⵓⵎⵉ ⵉ ⵉⴼⵙⵔ ⵡⴰⵎⵎⴰⵙ ⵜⵓⵍⵍⵉⵙⵉⵏ ⵉⵏⵓⵔⵉⵖ ⵙⴰⴷⵓ ⵏ ⵓⵣⵡⵍ « ⵉⵅⵎⵕⴰⵡⵏ ». ⵣⵎⵎⵔⵖ ⴰⴷ ⵉⵏⵉⵖ, ⵜⵉⵔⴰ ⵜⵣⵔⵓⵣⴰ ⵜⴰⵄⵊⵊⴰⵊⵜ, ⵜⴻⵜⵜⴽⴽⵙ ⴰⴼⵔⴰⵢ ⵅⴼ ⵢⵉⵙⵏⵜⴰⵍ ⵉ ⵅⴼ ⵉⵎⵙⴰⵔ ⵉⵙⵖⴷⵉ ⴷⴳ ⵡⴰⵎⵓⵏ.
ⵎⵉⵏ ⵜⵇⵇⴰⵔⴷ ⵅⴼ ⵜⴼⵔⴰⵙ ⵏ ⵜⵉⵔⴰ ⵏⵏⵎ ⵜⴰⵙⴽⵍⴰⵏⵜ?
ⵜⵉⵔⴰ ⵜⴰⵙⴽⵍⴰⵏⵜ ⵜⵎⵙⴱⴹⴰ, ⵓⵔ ⵜⴻⵟⵟⵉⴼ ⵛⴰ ⵉⵊⵊ ⵏ ⵓⴱⵔⵉⴷ. ⵊⵔ ⵜⵓⵍⵍⵉⵙⵉⵏ ⴷ ⵓⵎⵣⴳⵓⵏ, ⴷⵉⵏ ⴰⵟⵟⴰⵚ ⵏ ⵍⴰⴳⴳⵯⴰⵊ: ⵜⵓⵍⵍⵉⵙⵉⵏ, ⵜⵜⴽⴽⵙⵏⵜ ⴰⵅⵎⵕ ⵅⴼ ⵢⵉⵊⵊ ⵣⴳ ⵢⵉⵙⵏⵜⴰⵍ ⵉⵇⵇⵏⴻⵏ ⵖⵔ ⵜⵎⵖⴰⵔⵜ ⴷ ⵎⴰⵎⵛ ⵖⵔⵙ ⴷ ⵉⵖⵣⵣⴰⵔ ⴰⵎⵓⵏ ⴰⵡⵜⵎⴰⵏ, ⴷⵉ ⵜⵓⵚⴽⴰ ⵏⵏⵙⵏⵜ ⴹⴼⵕⵖ ⵜⴰⴱⵔⵉⴷⵜ ⵉ ⵣⵉ ⵜⵜⵓⵢⴰⵔⵓⵏⵜ ⵜⵓⵍⵍⵉⵙⵉⵏ ⴷⵉ ⵜⵙⴽⵍⴰⵜⵉⵏ ⵏⵏⵖⵏⵉ ⴰⵎⴰⵛⵏⴰⵡ ⵖⵔ Guy de Maupassant ⴷ Prosper Mérimée. ⴰⵎⵣⴳⵓⵏ, ⵉⵇⵇⵏ ⵖⵔ ⵜⵙⴽⵍⴰ ⵏ ⵜⴰⵣⵣⴰⵏⵉⵏ, ⴰⵏⴰⵡ ⴰ ⵢⵓⴷⵔⵓⵙ ⴰⵟⵟⴰⵚ ⴷⵉ ⵜⵙⴽⵍⴰ ⵜⴰⵎⴰⵣⵉⵖⵜ, ⵓⵊⴰⵔ ⴳ ⵓⵎⵣⴳⵓⵏ.
ⴷⵉ ⵜⴳⵔⵓⵎⵎⴰ ⵏ ⵜⵓⵍⵍⵉⵙⵉⵏ “ⵉⵅⵎⵕⴰⵡⵏ” ⵎⴰ ⵏ ⵉⵙⵏⵜⴰⵍ ⵉ ⵅⴼ ⵜⵙⵉⵡⵍⴷ, ⴷ ⵓⵅⴰⵕⵕⵚ, ⴷ ⵜⵛⵓⵏⵉ ⵉ ⵜⵔⵣⵣⵓⴷ ⴰⴷ ⵜⵙⵙⵉⵡⴹⴷ ⵉ ⵓⵎⵖⵔⵉ?
« ⵉⵅⵎⵕⴰⵡⵏ » ⵙⵎⵓⵏⵖ ⴷⴳⵙ ⵚⴹⵉⵚⵜ ⵏ ⵜⵓⵍⵍⵉⵙⵉⵏ, ⴽⵓ ⵢⵉⵛⵜ ⴷⴳⵙ ⴰⵡⵔⵉⴽ ⴰⴷⵙⵍⴰⵏ ⴷ ⵜⴰⵃⵏⵊⵉⵔⵜ, ⴽⵓ ⵢⵉⵛⵜ ⴷ ⵜⴰⵏⴼⵓⵙⵜ ⵏⵏⵙ ⴷⵉ ⵜⵓⴷⵔⵜ, ⵎⴰⵛⴰ ⵜⵉⵃⵏⵊⵉⵔⵉⵏ ⴰ ⵎⴰⵕⵕⴰ ⵜⵜⵎⵙⴰⴳⴰⵔⵏⵜ ⴷⴳ ⵓⵎⵇⵜⵎⴰⵔ ⵏⵏⵙⵏⵜ ⴰⴳ ⵢⵉⵊⵊ ⵏ ⵓⵅⴰⵕⵕⵚ ⵉⵅⵜⵓⵜⵜⵍ ⴷ ⵖⵔ ⵡⴰⵎⵓⵏ ⴰⵎⴰⵣⵉⵖ, ⵉⵙⵙⵏⴼⵍ ⴰⵔⴰⵇ ⵏ ⵜⵎⵖⴰⵔⵜ ⴷⴳⵙ, ⴷ ⵎⴰⵎⵛ ⵖⵔⵙ ⵉⵖⵣⵣⴰⵔ ⵓⴳⴷⵓⴷ, ⴰⵅⴰⵕⵕⵚ ⵏⵏⵉ ⵢⵓⵙ ⴷ ⴷⵉ ⵜⵡⵍⴰⴼⵜ ⵏ ⵓⵅⵎⵕ. ⴰⵙⵜⴰⵢ ⴰ, ⵉⵜⵜⴷⵡⴰⵍ ⵖⵔ ⴰⵙⵡⵍⴼ ⵉⵍⵍⴰⵏ ⵖⵔ ⵓⵅⵎⵕ ⴷⴳ ⵓⵙⵡⵉⵏⴳⵎ ⵏⵏⵖ, ⵎⴰⵍⴰ ⵖⵔⵏⵖ ⴰⵅⵎⵕ ⴷⴳ ⵓⵅⵅⴰⵎ, ⵉⵜⵜⴽⴽⵙ ⴰⵙ ⵜⵛⵓⵏⵉ, ⴰⵎⵏⵏⵉ ⵓⵍⴰ ⴷ ⴰⵅⴰⵕⵕⵚ ⵏⵏⵉ ⵉ ⵉⵜⵜⵇⵇⵏⴻⵏ ⵜⵉⵏⴷⵉ ⵏ ⵜⵎⵖⴰⵔⵜ ⵖⵔ ⵜⵓⵄⵣⴰⵔⵉⵢⵢⴰ ⵏⵏⵙ. ⵡⴰⵏⵉⵜⴰ ⴷ ⵉⵊⵊ ⵏ ⵓⵙⵏⵜⵍ ⵙⵜⵉⵖ ⴰⴷ ⵅⴼⵙ ⵙⵙⵉⵡⵍⵖ ⵃⵓⵎⴰ ⴰⴷ ⵏⴽⴽⵙ ⴰⴼⵔⴰⴳ ⵅⴼ ⵢⵉⵛⵜ ⵏ ⵜⵉⴷⵜ ⵜⵏⵏⵓⴼⴼⵔ, ⵜⵜⵡⴰⵍⴰⵏ ⵜⵜ ⴷ ⵟⵟⴰⴱⵓ.
ⵎⴰⵏⵉ ⵉⵜⵜⵎⵙⴰⴳⴰⵔ ⵓⵏⵖⴰ (الخيال) ⴷ ⵜⵓⴷⴰⵔⵜ ⵏⵏⵎ, ⴷ ⵜⵓⴷⴰⵔⵜ ⵙ ⵓⵎⴰⵜⴰ ⴷⵉ ⵜⵉⵔⵔⴰ ⵏⵏⵎ?
ⵜⴰⵙⴽⵍⴰ ⴷ ⵉⵊⵊ ⵏ ⵢⵉⴳⵔ ⵉ ⴷⵉ ⵉⵜⵜⴰⴼ ⵓⵎⴰⵔⴰ ⴷ ⵜⵎⴰⵔⴰⵜ ⵜⵉⵍⴻⵍⵍⵉ ⵃⵓⵎⴰ ⴰⴷ ⴰⵔⵔⵉⵏ ⵅⴼ ⵜⵉⵔⵎⵉⵜⵉⵏ ⵏⵏⵙⵏ ⵏⵉⵖ ⵅⴼ ⴽⵔⴰ ⵏ ⵜⵓⵎⴰⵏⵉⵏ ⵍⵍⴰⵏⵜ ⴷⴳ ⵡⴰⵎⵓⵏ. ⵉⵅⵎⵕⴰⵡⵏ ⴷ ⵉⵊⵊ ⵏ ⵓⵖⵣⴷⵉⵙ ⵉ ⵅⴼ ⵜⵙⵙⴷⵍ ⵜⴰⵍⵍⵙⵜ ⴷⴳ ⵡⴰⵎⵓⵏ ⵏⵏⵖ, ⵉⵅⵎⵕⴰⵡⵏ, ⵣⵎⵎⵔⵏⵜ ⴰⴷ ⵉⵍⵉⵏⵜ ⴷ ⵜⵎⵉⵊⵊⴰ ⵏ ⵜⵉⵏⵏⵉ ⵉ ⵓⵔ ⵖⵔ ⵍⵍⵉⵏⵜ ⵜⵣⵎⵎⴰⵔ, ⵓⵔ ⵣⵄⵉⵎⵏⵜ ⴰⴷ ⵙⵙⵉⵡⵍⵏⵜ, ⴰⴷ ⵙⵙⵓⴼⵖⵏⵜ ⵜⴰⵢⵛⵉⵜⵉⵏ ⵏⵏⵙⵏⵜ ⴰⵍⵏⴷⴰⴷ ⵏ ⵎⵉⴷⴷⵏ.
ⵎⴰⵎⵛ ⴷ ⵉⵜⵜⵎⵔⵓⵙⴰ ⴰⵎⵏⴰⴹ (السياق) ⴰⴷⵍⵙⴰⵏ ⴷ ⵓⵏⴰⵎⵓⵏ ⴷⴳ ⵢⵉⴹⵕⵉⵚⵏ ⵏⵏⵎ ⴷⴳ ⵓⵖⵣⴷⵉⵙ ⵏ ⵜⵏⵜⵜⵉⵜ (الهوية) ⴷ ⵢⵉⵍⵙ?
ⴷⴳ ⵢⵉⴳⵔ ⵏ ⵜⵙⴽⵍⴰ, ⴰⵎⴰⵔⴰ ⴷ ⵜⵎⴰⵔⴰⵜ ⵜⵜⴰⴳⵎⵏ ⴷ ⴰⵙⵏⴼⵍⵓⵍ ⵏⵏⵙⵏ ⵣⴳ ⵢⵉⵊⵊ ⵏ Background ⴷ ⴰⴷⵍⵙⴰⵏ ⵉⵇⵇⵏ ⵖⵔ ⵡⴰⵎⵎⴰⵙ ⴷ ⵜⵡⵏⵏⴰⴹⵜ ⵉ ⵣⵉ ⴷ ⴽⴽⵉⵏ, ⴰ ⵎⵏ ⴷ ⵜⵜⴰⴳⵎⵏ ⵣⵉ ⵜⵓⵙⵙⵏⵉⵡⵉⵏ ⴷ ⵓⵙⵡⵉⵏⴳⵎ ⵏⵏⵙⵏ, ⴷ ⵎⴰⵎⵛ ⵖⵣⵣⴰⵔⵏ ⴰⵟⵟⴰⵚ ⵏ ⵜⵓⵎⴰⵏⵉⵏ ⴷⴳ ⵡⴰⵎⵓⵏ. ⵙ ⵓⵢⴰ, ⴷⵉ ⵜⵉⵔⴰ ⵉⵜⵜⴼⴼⵖ ⴷ ⵎⴰⵕⵕⴰ ⵎⴰⵏⴰⵢⵏⵏⵉ ⵙ ⵢⵉⵛⵜ ⵏ ⵜⴱⵔⵉⴷⵜ ⵜⴰⵔⵓⵙⵔⵉⴷⵜ (inconsciemment).
ⵎⴰ ⵏ ⵜⵄⵏⴽⵔⴰⴼ ⵉ ⴰⴽⴷ ⵜⴻⵜⵜⵏⴷⵔⴰⴼⴷ ⴷⵉ ⵜⵉⵔⴰ, ⴷ ⵓⵙⵏⴼⵍⵓⵍ ⴷ ⵓⴼⵙⴰⵔ?
ⵜⵉⵔⴰ ⵙ ⵓⵎⴰⵜⴰ, ⵓⵊⴰⵔ ⴷⵉ ⵜⵙⴽⵍⴰ ⵜⴰⵎⴰⵣⵉⵖⵜ ⵜⵜⵡⴰⵍⵉⵖ ⵜⵜ ⴷ ⵉⵊⵊ ⵣⴳ ⵢⵉⴱⵔⵉⴷⵏ ⵏ ⵜⵖⵏⵙⴰ. ⵣⴳ ⵢⵉⵊⵊ ⵏ ⵓⵖⵣⴷⵉⵙ, ⵜⴰⵢⵏⵉⵜ ⵏ ⵓⵎⵖⵔⵉ ⵜⴷⵡⵍ ⵖⵔ ⴷⴼⴼⴰⵔ ⴰⵟⵟⴰⵚ, ⴰⴷⵍⵉⵙ ⵓⵔ ⵖⵔⵙ ⵉⵇⵇⵉⵎ ⵛⴰ ⴰⵔⴰⵇ ⵏⵏⵉ ⵉ ⵜⵓⵖⴰ ⵖⵔⵙ ⵣⴷⴰⵜ. ⵣⴳ ⵓⵖⵣⴷⵉⵙ ⵏⵏⵖⵏⵉ, ⴰⵎⵙⵙⵏⴼⵍⵓⵍ ⴰⵎⴰⵣⵉⵖ ⵉⵛⵡⵡⴰⵔ ⴰⴷ ⴷ ⴰⵙ ⵜⴻⵜⵜⵡⴰⵔⵔ ⵜⴰⵢⵏⵉⵜ ⵓⵊⴰⵔ, ⵎⴰⵍⴰ ⵓⵔ ⵍⵍⵉⵏⵜ ⵜⵖⵓⵔⵉⵡⵉⵏ ⵜⵉⵏⵣⵖⴰⵏⵉⵏ, ⵎⴰⵍⴰ ⵓⵔ ⵢⵓⴼⵉ ⴰⴷⵍⵉⵙ ⴰⵎⴰⵣⵉⵖ ⴰⵔⴰⵇ ⵏⵏⵙ ⴷⵉ ⵜⵙⴷⴰⵡⵉⵜ ⵉⵜⵜⵉⵍⵉ ⵉⵇⵙⵃ ⴰⴷ ⵏⵓⴳⵓⵔ ⵖⵔ ⵣⴷⴰⵜ ⵙ ⵜⵙⴽⵍⴰ ⵜⴰⵎⴰⵣⵉⵖⵜ, ⴰⴷ ⵢⵉⵍⵉ ⵉⵇⵙⵃ ⴰⴷ ⵏⵙⵙⵉⵡⵍ ⵅⴼ ⵓⴼⵙⴰⵔ ⵣⵉ ⵙⵙⴰ ⴷ ⵓⵙⴰⵡⵏ.
ⵜⵎⵎⵓⵜⵜⵉⴷ ⵖⴰⵔ ⵜⵉⵔⵔⴰ ⵉ ⵢⵉⵃⵏⵊⵉⵔⵏ ⵉⵎⵥⵢⴰⵏⵏ ⵙ ⵓⴹⵕⵉⵚ ⵏⵏⵎ ⵉ ⵜⴼⵙⵔⴷ ⴷ ⴰⵎⴳⴳⴰⵔⵓ « ⴰⴷ ⵏⵉⵔⴰⵔ ⴰⵎⵣⴳⵓⵏ » , ⵎⵉ ⵏ ⵉⵊⵊⵉⵏ ⴰⵙⵏⴼⵍ ⴰ (التحول) ⴰⴷ ⵢⵉⵍⵉ? ⵎⵉⵏ ⵉⵔⵏⵉ ⵉ ⵢⵉⵔⵉⵎ (التجربة) ⵏⵏⵎ ⵏ ⵜⵉⵔⴰ?
ⴰⵎⵣⴳⵓⵏ ⴷ ⴰⵏⴰⵡ ⴰⵙⴽⵍⴰⵏ ⵉ ⴷⵉ ⵜⵜⴰⴼⵖ ⵉⵅⴼ ⵉⵏⵓ ⵓⵊⴰⵔ ⵏ ⵎⴰⵕⵕⴰ ⴰⵏⴰⵡⵏ ⵏⵏⵖⵏⵉ. ⴰⵙⵜⴰⵢ ⵏ ⵜⵙⴽⵍⴰ ⵏ ⵢⵉⵎⵥⵥⵢⴰⵏⴻⵏ ⵉⵜⵜⴷⵡⴰⵍ ⵖⵔ ⵙⵉⵏ ⵏ ⵢⵉⵎⵏⵜⵉⵍⵏ: 1. ⵜⵓⴷⵔⵓⵙⵜ ⵏ ⵢⵉⴹⵕⵉⵚⵏ ⵉⵙⴽⵍⴰⵏⴻⵏ ⵏ ⵢⵉⵎⵥⵥⵢⴰⵏⴻⵏ ⴷⵉ ⵜⵎⴰⵣⵉⵖⵜ, ⵡⴰⵅⵅⴰ ⴷ ⵉⵙⵍⵎⴰⴷⵏ ⵅⵎⵉ ⵜⵜⵅⵙⵏ ⴰⴷ ⵙⵡⵓⵔⵉⵏ ⴰⴳ ⵢⵉⵏⵍⵎⴰⴷⵏ ⵏⵏⵙⵏ, ⵓⵔ ⵜⵜⵉⴼⵏ ⵛⴰ ⵉⵙⵓⴳⴰⵎ ⴷ ⵜⵔⵙⴰⵍ ⵉ ⵅⴼ ⵖⴰ ⵙⵄⵓⴽⴽⵣⵏ; 2. ⴷ ⵉⵛⵜ ⵏ ⵜⵉⵔⵎⵉⵜ ⵉ ⵜⵓⵖⴰ ⴳⴳⵉⵖ ⴰⴳ ⵉⵏⵍⵎⴰⴷⵏ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ, ⵜⵊⵊⴰ ⵜⴰⵥⴰⵖⴰⵕⵜ ⴷ ⵜⴰⵎⵇⵇⵔⴰⵏⵜ ⴷⴳⵙⵏ, ⵣⴳⵙ ⵏⵏⵉⵖ: ⵏⵣⵎⵎⵔ ⵓⵍⴰ ⵙ ⵜⵎⴰⵣⵉⵖⵜ. ⵓⵔ ⵉⵍⵍⵉ ⵛⴰ ⴷ ⴰⵙⵏⴼⵍ, ⵎⴰⵛⴰ ⴷ ⵜⵉⵔⵎⵉⵜ ⵉ ⴷⵉ ⵓⴼⵉⵖ ⵉⵅⴼ ⵉⵏⵓ.
ⵎⴰⵎⵛ ⵜⴻⵜⵜⵙⵎⵇⵓⴷⴷⵉⴷ ⴷⵉ ⵜⵉⵔⴰ ⵉ ⵢⵉⵃⵏⵊⵉⵔⵏ ⵉⵎⵥⵢⴰⵏⵏ ⵊⴰⵔ ⴰⵙⵉⵖⵣ ⵏ ⵜⵉⵣⵉ ⵏ ⵓⵙⴳⵎⵉ (التربية) ⴷ ⵜⵛⵓⵏⵉ ⵏ ⵓⵙⵏⴼⵍⵓⵍ ⴰⵙⴽⵍⴰⵏ?
ⵜⵉⵔⴰ ⵉ ⵢⵉⵃⵏⵊⵉⵔⵏ ⵉⵎⵥⵥⵢⴰⵏⴻⵏ ⵓⵔ ⵜⵡⵀⵉⵏ ⴰⵎ ⵎⴰⵎⵛ ⴷ ⴰⵏⵖ ⵉⵜⵜⵖⵉⵍ. ⴷⴳⵙ ⴰⵟⵟⴰⵚ ⵏ ⵢⵉⴳⵎⵉⵔⵏ, ⵜⴽⵙⵙⵉⴷ ⵙ ⵓⵎⵏⵓⵙ ⵉ ⵡⴰⵟⵟⴰⵚ ⵏ ⵜⵎⵙⵍⴰⵢⵉⵏ, ⵎⵉⵏⵣⵉ ⴰⵡⵜⵜⴰⵙ ⴰⵎⵣⴳⴰⵔⵓ ⵣⵉ ⵜⵉⵔⴰ ⵏⵏⵉ ⵉⵜⵜⵉⵍⵉ ⴷ ⴰⵙⴳⵎⴰⵏ, ⴷⵉ ⵜⵡⴰⵍⴰⵜ ⴷ ⵉⵛⵜ ⵜⴻⵜⵜⵅⴰⵕⵕⴰⵚⴷ ⴷⵉ ⵜⵛⵓⵏⵉ ⵜⴰⵙⴽⵍⴰⵏⵜ. ⵜⵜⵡⴰⵍⵉⵖ ⵜⴰⴽⵓⵎⵉⴷⵉⵜ ⵜⵕⵥⵥⵎ ⵜⵉⵡⵡⵓⵔⴰ ⵏ ⵓⵙⵏⴼⵍⵓⵍ ⵙ ⵜⵛⵓⵏⵉ ⵜⴰⵙⴽⵍⴰⵏⵜ, ⵜⵃⵟⵟⴰ ⵓⵍⴰ ⵍⴰⴳⴳⵯⴰⵊ ⴰⵙⴳⵎⴰⵏ ⵏ ⵓⴹⵕⵉⵚ.
ⵎⵉⵏ ⵣⵣⴰⵢⵎ ⵖⴰ ⵏⵔⴰⵊⴰ ⴷⴳ ⵢⵉⵎⴰⵍ ⵏ ⵢⵉⴹⵕⵉⵚⵏ? ⵎⴰ ⵏ ⵜⴰⴱⵔⴰⵜ ⵏⵏⵎ ⵉ ⵢⵉⵎⵖⵔⴰⵏ ⵏ ⵜⵙⴽⵍⴰ ⵜⴰⵎⴰⵣⵉⵖⵜ?
ⴰⵎⵣⴳⵓⵏ ⴰⴷ ⵢⵉⵍⵉ ⴷ ⴰⵙⵏⴼⵍⵓⵍ ⵉ ⴷ ⵉⴳⴳⵓⵔⵏ. ⴰⵎⵏⵓⵙ ⵉ ⵖⵔⵉ, ⴰⴷ ⵙⵙⵥⵡⵉⵖ ⵜⵉⵏⵎⴰⵍ ⵜⵉⵎⴰⴹⵍⴰⵏⵉⵏ ⵏ ⵜⵙⴽⵍⴰ ⵖⵔ ⵜⵙⴽⵍⴰ ⵜⴰⵎⴰⵣⵉⵖⵜ. ⴰⵡⴰⵍ ⵉⵏⵓ ⴰⵎⴳⴳⴰⵔⵓ, ⴷⵉⵏ ⴰⵟⵟⴰⵚ ⵏ ⵎⵉⵏ ⵉⵜⵜⵓⵢⴰⵔⵓⵏ ⴷⴳ ⵡⵓⵏⴳⴰⵍ, ⴰⵙⴼⵔⵓ, ⴰⵎⵣⴳⵓⵏ ⴷ ⵜⵓⵍⵍⵉⵙⵜ ⵉⵜⵜⵔⴰⵊⴰ ⵡⵉ ⵅⴼⵙ ⵖⴰ ⵉⵣⵣⵔⵣⵏ ⵜⴰⵄⵊⵊⴰⵊⵜ, ⴷⵉⵏ ⵜⵉⵔⵎⵉⵜⵉⵏ ⵛⵏⴰⵏⵜ ⵙ ⵡⴰⵟⵟⴰⵚ, ⵉⵛⵡⵡⴰⵔ ⴰⴷ ⴷ ⴰⵙⵏⵜ ⵜⴻⵜⵜⵡⴰⵔⵔ ⵜⴰⵢⵏⵉⵜ. ⵜⴰⵏⵎⵎⵉⵔⵜ ⵉ ⵜⵡⴰⵍⴰⵜ ⵏⵏⵖⵏⵉ ⵅⴼ ⵓⵙⵏⵡⵊⵉ.
ⴰⵎⵙⴰⵡⴰⵍ : ⵅⴰⵢⵔⴷⴷⵉⵏ ⵍⵊⴰⵎⵄⵉ
