ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵃⴰⴹⵕⵏ ⵎⵏⵏⴰⵡ ⵉⵙⵍⵎⴰⴷⵏ ⴷ ⵉⵎⵔⵣⵓⵜⵏ ⴳ ⵢⵉⴳⵔ ⵏ ⵜⵙⴽⵍⴰ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴷⴰⵡⵉⵜ ⵏ ⵏⵏⴰⴹⵓⵕ ⴳ ⵜⵎⵙⵉⵔⵜ ⵏ ⵓⵏⵏⵓⵕⵥⵎ ⵍⵍⵉ ⵉⵙⵎⵏⵉⴷ ⵓⵙⵍⵎⴰⴷ ⵎⴰⵙⵙ ⵎⵓⵃⴰⵎⵎⴰⴷ ⴱⵓⴷⵀⴰⵏ ⴼ: “ⵜⵉⴼⵉⵏⴰⵖ ⵊⴰⵔ ⵜⴰⵡⵙⵙⵏⴰ ⴷ ⵜⵉⴷⵢⵓⴷⵓⵍⵓⵊⵉⵜ”, ⴰⵙⵙ ⵏ ⴰⵙⵉⵎⴰⵡⴰⵙ 19 ⵏⵓⵡⴰⵏⴱⵉⵔ 2021.
ⵉⵕⵥⵎ ⵜⴰⵎⵙⵉⵔⵜ ⴰⴷ ⵓⵎⵣⴷⴰⵢ ⵏ ⵓⵎⴰⵚⵟⵕ ⵎⴰⵙⵙ ⵃⴰⵙⴰⵏ ⴱⵏⵄⵇⵉⵢⵢⴰ, ⵍⵍⵉ ⵉⵙⵏⵉⵎⵎⵔⵏ ⵉⵙⴰⵍⵎⴰⴷⵏ ⵉⵡⵙⵏⵉⵏ ⴳ ⵓⵙⵎⵓⵜⵜⴳ ⵏ ⵜⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵏ ⵉⵎⵣⵔⴰⵡⵏ, ⵙⵍⴰⵡⴰⵏ ⴰⴽⴽⵯ ⵎⴰⵙ ⵉⵍⵍⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⴱⵓⴷⵀⴰⵏ ⵜⴰⵎⵙⵉⵔⵜ ⴰⴷ ⴳ ⵉⵙⴰⵡⴰⵍ ⴼ ⴽⵓ ⵉⵙⵓⵔⵙⵏ ⵖⴷ ⵉⵣⵔⵉ ⵓⵙⴽⴽⵉⵍ ⵏ ⵜⴼⵉⵏⵏⴰⵖ, ⵙⴳ ⵎⴰⴷ ⵉⴳⴰ ⵢⴰⵏ ⵓⵙⵜⴰⵢ ⵉⴱⴷⴷⵏ ⴼ ⵜⵉⴷⵢⵓⵍⵓⵊⵉⵜⵢ, ⴰⵍⵍⵉⵖ ⵉⴳⴰ ⴰⵙⵏⵜⵍ ⵏ ⵜⵓⵙⵙⵏⴰ ⵉⵟⵟⴰⴼⵏ ⵉⴷⵔⵉⵣⵏ ⵏⵏⵙ ⴳ ⵓⵎⵣⵔⵓⵢ ⴷ ⵓⵎⵓⵙⵙⵓ ⵏ ⵜⴼⴳⴰⵏⵉⵜ.
