ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵔ ⵉⵙⵓⵊⵉⴷ ⵓⵎⵣⴳⵓⵏ ⵏ ⵓⵙⴰⵢⵙ ⴰⴷ ⵉⵙⴱⵔⴽ ⵢⴰⵏ ⵓⵏⵎⵓⵇⵇⴰⵔ ⵏ ⵓⵥⴰⵡⴰⵏ ⵓⵙⵍⵉⴷ ⴳ ⵡⴰⵙⵙ 30 ⵎⴰⵢⵢⵓ 2026 ⴷⴷⴰⵡ ⵏ ⵓⵣⵡⵍ « ⴰⵛⴽⴰⴷ ⴰⵏⵃⵓⵛ ».
ⴰⵏⵎⵓⵇⵇⴰⵔ ⴰⵔ ⵉⴳⴰ ⵢⴰⵜ ⵜⵉⵔⵎⵉⵜ ⵏ ⵓⵥⴰⵡⴰⵏ ⵜⴰⵎⴰⵢⵏⵓⵜ, ⵍⵍⵉ ⵉⵔⴰⵏ ⴰⴷ ⵜⵕⵥ ⵉⵡⵜⵜⴰ ⵉⵇⴱⵓⵔⵏ ⵉⵏⴳⵔ ⵓⵏⴰⵥⵓⵕ ⴷ ⵓⴳⴷⵓⴷ, ⴰⴼⴰⴷ ⴰⴷ ⵉⵍⵉⵏ ⵉⵎⴷⵔⴰⵡⵏ ⵣⵓⵏⴷ ⵢⴰⵏ ⵓⴳⵣⵣⵓⵎ ⴰⴷⵙⵍⴰⵏ ⵖ ⵓⴼⵙⴰⵔ ⴰⵏⴰⵥⵓⵕ.
ⴰⵙⵏⴼⴰⵔ ⴰⴷ ⵉⵙⵏⵜⵉ ⴼ ⵢⴰⵜ ⵜⵡⵏⴳⵉⵎⵜ ⵏ ⴰⵎⵢⴰⵡⴰⴹ ⴱⵓ ⵓⵙⵍⵍⵡⵉ, ⵏⵏⴰ ⵉⵜⴰⵊⵊⴰⵏ ⴰⴳⴷⵓⴷ ⴰⵎ ⵢⴰⵏ “ⴽⵓⵔⴰⵍ ⴰⵎⴳⵔⵓ”, ⵎⴰⵙ ⵓⵔ ⵉⴳⵉ ⵖⴰⵙ ⴰⵎⵄⴰⵏ ⴷ ⵓⵙⵙⴼⵍⴷ, ⵎⴰⵛⴰ ⵔⴰⴷ ⵉⴷⵔⵓ ⵙ ⵉⵖⵏⵏⵉⵊⵏ ⴷ ⵓⵎⵢⴰⵡⴰⴹ ⴳ ⵢⴰⵏ ⵓⵕⵛⴰⵇ ⴰⵎⴳⵔⵓ ⵍⵍⵉ ⵉⵙⴼⵓⴳⵍⵓⵏ ⵙ ⵜⵎⴰⴳⵉⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⵜⴰⵙⵓⵙⵉⵜ.
ⵔⴰⴷ ⵢⴰⵡⵉ ⵓⵏⵎⵓⵇⵇⴰⵔ ⴰⴷ ⴰⴳⴷⵓⴷ ⵖ ⵢⴰⵜ ⵜⵓⴷⴷⵓⵔⵜ ⵜⴰⵥⴰⵡⴰⵏⵜ ⵖⵔ ⵓⵣⵎⵣ, ⵙ ⵓⵖⵏⵏⵊ ⵏ ⵉⵣⵍⴰⵏ ⵉⵇⴱⵓⵕⵏ ⵏ ⵉⵣⵍⵉ ⴰⵎⴰⵣⵉⵖ, ⵣⵓⵏⴷ ⵜⵉⵡⵓⵔⵉⵡⵉⵏ ⵏ ⵕⵕⴰⵢⵙ ⵍⵃⴰⵊ ⴱⵍⵄⵉⴷ, ⴷ ⵜⵔⴰⴱⴱⵓⵜ ⵏ ⵉⵣⵏⵣⴰⵔⵏ, ⴷ ⵓⵏⴰⵥⵓⵕ ⵄⵓⵎⴰⵔⵉ ⵎⴱⴰⵔⴽ, ⴰⴽⴷ ⵜⵔⴰⴱⴱⵓⵜ ⵏ ⵓⴷⴰⴷⵏ ⴷ ⵉⵙⵎⴰⵡⵏ ⵢⴰⴹⵏ ⵍⵍⵉ ⵉⴼⵍⵏ ⴰⴷⵔⵉⵣ ⵖ ⵜⵎⴽⵜⵉⵜ ⵜⴰⵏⴰⵥⵓⵕⵜ ⵜⴰⵎⴰⵣⵉⵖⵜ.
ⵡⴰⵜⵜⵙⵏ ⵉⵎⵙⵓⴷⴰⵙ ⵏ “ⴰⵛⴽⴰⴷ ⴰⵏⵃⵓⵛ” ⴰⴷ ⵣⵣⵔⵉⵏ ⵢⴰⵜ ⵜⵉⵣⵉ ⵏ ⵜⵥⵓⵕⵉ ⴷ ⵜⵏⴼⴳⴰⵏⵜ ⵜⴰⵎⴳⵔⵓⵜ, ⵏⵏⴰ ⴳ ⵉⴳⴰ ⵉⵎⵙⵍⵉ ⴰⵎⴳⵔⵓ ⵏ ⵓⴳⴷⵓⴷ ⵉⵜⵔⵉ ⵏ ⵜⵉⴷⵜ ⴳ ⵜⵎⴷⴷⵉⵜ, ⴳ ⵢⴰⵏ ⵓⵙⴼⵓⴳⵍⵓ ⵙ ⵓⵥⴰⵡⴰⵏ ⴷ ⵜⴰⵢⵙⵉ ⴷ ⵢⵉⵎⴰⵏ ⵏ ⵜⴷⵔⴰⵡⵜ.
ⵖⵉⴽⵍⵍⵉ ⵙ ⵔⴰⴷ ⵜⴳ ⵜⴼⵓⴳⵍⴰ ⴰⴷ ⵏ ⵜⵥⵓⵕⵉ ⵢⴰⵜ ⵜⵉⵔⵎⵉⵜ ⵉⵙⵎⵓⵏⵏ ⴳⵔ ⵜⵥⵖⵓⵕⵜ ⴷ ⵓⵎⵔⴰⵔⴰ, ⵉⵜⵜⵔⴰⵔⴰⵏ ⴰⴷⴷⵓⵔ ⵉ ⵓⵥⴰⵡⴰⵏ ⴰⵎⴰⵣⵉⵖ ⵍⵍⵉ ⵉⴳⴰⵏ ⵢⴰⵏ ⵓⵙⴰⵢⵔⴰⵔ ⵏ ⵜⵎⵙⵙⴽⵜⵉⵜ ⵜⴰⵎⴳⵔⵓⵜ ⴷ ⵓⵡⵏⵏⵉ ⴰⵎⴷⵔⴰⵡ.
