ⵜⵉⵙⴰⵡⵔⵉⵏ ⵜⵉⵎⴰⵙⵙⴰⵏⵉⵏ ⵉ ⵓⵙⴷⵓⵙ ⵏ ⵓⵙⵓⵖⵍ ⴰⵎⵔⵙⴰⵍ ⴷ ⵓⵙⵖⵓⴷⵓ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ

ⵉⵙⴱⵔⵔⴽ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵏⵎⴰⵍⴰ ⵏ ⵜⵙⵓⵜⵍⵜ ⵏ ⵓⵙⵙⵉⵍⵖ ⵢⵓⵎⵥⵏ ⵙⴳ 19 ⴰⵔ 21 ⵏⵓⵡⴰⵏⴱⵉⵔ, ⴷⴷⴰⵡ ⵜⵎⴰⵜⴰⵔⵜ  » ⴰⵙⵎⵓⵜⵜⴳ ⴳ ⵓⵙⵓⵖⵍ ⴰⵎⵔⵙⴰⵍ, ⴷ ⵜⴰⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ». ⵓⵢⴰ, ⵙ ⵜⴷⵔⴰⵡⵜ ⵏ ⵉⵙⵓⵜⴰⵢ ⵏ ⵓⵙⵓⵖⵍ ⵙⴳ ⵜⵣⵓⵏⴰ ⵜⵉⴳⴷⵓⴷⴰⵏⵉⵏ ⵎⵣⴰⵔⴰⵢⵏⵉⵏ. ⵉⴷⴷⴰ ⴷ ⵓⵙⵙⵉⵍⵖ ⴰⴷ ⴳ ⵓⵎⵏⴰⴹ ⵏ ⵜⵓⴳⴳⴰⵙ ⵏ ⵓⵙⵉⵏⴰⴳ ⵉ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴳⵯⵏⵙ ⵏ ⵜⵏⵓⴼⴰ ⵜⵉⵎⵔⵙⴰⵍ ⴷ ⵓⵙⵙⵉⵍⵉ ⵙ ⵜⵎⵙⴽⵔⵜ ⵜⴰⵣⵣⵓⵍⴰⵏⵜ ⵉⵣⴷⵉⵏ ⴷ ⵓⵙⵓⵖⵍ.

ⵢⵓⵎⴰ ⵓⵖⴰⵡⴰⵙ ⴰⵙⴷⴷⵉ ⵏ ⵜⵙⵎⵓⵏⴰⵢ ⵜⵓⵙⵙⵏⴰⵏⵉⵏ (ⵜⵉⵎⴰⵙⵙⴰⵏⵉⵏ) ⴷ ⵜⵙⴰⵡⵔⵉⵏ ⵜⵓⵙⵏⵉⵙⵉⵏ, ⵙⵎⴽⵍⵏⵜ ⴳ ⵓⵎⴰⵜⴰ ⵜⵉⵎⵓⴽⵔⵉⵙⵉⵏ ⵜⵉⵙⵏⵉⵍⵙⵉⵏ ⴷ ⵜⵏⴱⵔⵉⴷⵉⵏ ⵏⵏⴰ ⵉⵜⵜⵎⵏⴰⵍⴰ ⵓⵙⵓⵖⵍ ⵙⴳ ⴷ ⵖⵔ ⵜⵎⴰⵣⵉⵖⵜ. ⵙⵙⵏⵜⵉⵏⵜ ⵜⵡⵓⵔⵉⵡⵉⵏ ⵙ ⵢⴰⵜ ⵜⴽⵛⵛⵓⵎⵜ ⵅⴼ ⵓⵙⵓⵖⵍ ⴷ ⵜⵏⴰⵡⴰⵢⵜ ⵏ ⵜⵓⵜⵍⴰⵢⵉⵏ ⵜⵉⵎⴷⵔⵓⵙⵉⵏ, ⴹⴰⵕⵜ ⵏⵏⵙ ⵜⵓⵛⴽⴰ ⴷ ⵜⴽⵛⵛⵓⵎⵜ ⵜⵉⵙ ⵙⵏⴰⵜ ⵏⵏⴰ ⵉⵎⵢⴰⴷⴰⵙⵏ ⵜⴰⵎⴽⵔⵉⵙⵜ ⵏ ⵓⵙⵙⵉⵥⵉⵕ ⴳ ⵓⵙⵓⵖⵍ ⴷ ⵜⵏⵥⴰⵕ ⵏ ⵜⵎⵙⴽⵔⵜ ⵜⴰⵣⵣⵓⵍⴰⵏⵜ. ⵉⵍⵉⵏⵜ ⵜⵙⵎⵓⵏⴰⵢ ⵢⴰⴹⵏ ⵉⵜⵜⵓⵥⵍⴰⵢⵏ ⵉ ⵜⵙⵏⴰⵡⴰⵢⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵜⵎⵙⴰⵔⵉⵏ ⵏ ⵢⵉⵔⵎ, ⵏⵏⴰ ⵉⴳⴰⵏ ⴰⵙⵙ ⴰ ⴷ ⵢⴰⵏ ⵙⴳ ⵉⵎⵙⵓⵔⴰⵙ ⵏ ⵓⵙⵓⵖⵍ ⴰⴳⵯⵏⵙ ⵏ ⵜⵎⵙⵙⵓⴳⵓⵔⵉⵏ ⵜⵉⴳⴷⵓⴷⴰⵏⵉⵏ.

ⵎⴽⵍⵍⵉ ⴱⴷⴷⵏⵜ ⵜⵙⴰⵡⵔⵉⵏ ⵅⴼ ⵓⵙⵓⵖⵍ ⵓⵍⴳⵉⵏ ⵙⴳ ⴷ ⵖⵔ ⵜⵎⴰⵣⵉⵖⵜ, ⴷ ⴰⵢⵍⵍⵉ ⵙ ⵉⵙⵖⴰⵡⵙⴰ ⵏ ⵜⵏⵖⴷⴰ ⵜⴰⵔⵎⵎⵓⵙⵜ ⴷ ⵜⵏⵙⵏⵉⵔⵎⵜ, ⵙⵎⴽⵍⵏⵜ ⵜⴽⵛⵛⵓⵎⵉⵏ ⵢⴰⴹⵏ ⵜⵉⵍⴰⵍⵜ ⵏ ⵜⴰⵜⵉⴽⵏⵓⵍⵓⵊⵉⵜ ⵜⴰⵜⵔⴰⵔⵜ ⴷ ⵜⵖⵉⵙⵜ ⵜⴰⵙⵎⴳⵓⵔⵜ ⴳ ⵓⵙⴱⵓⵖⵍⵓ ⵏ ⵜⵎⵙⴽⵉⵔⵉⵏ ⵏ ⵜⵓⵜⵍⴰⵢⵜ ⴷ ⵓⵙⵓⵖⵍ, ⴰⴽⴷ ⵓⵙⵎⴰⵏⴰⵔ ⵏ ⵡⴰⵙⵙⴰⵔ ⵏ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵜⵉⵇⵏⵉⵜⵉⵏ ⵏ ⵉⵎⵙⴽⴰⵔⵏ.

ⵉⵜⵜⵓⵙⴷⴷⵉⴷ ⴳ ⵜⵙⵓⵜⵍⵜ ⴰⴷ ⵅⴼ ⵡⴰⵜⵉⴳ ⵏ ⵓⵙⵙⴰⵔⵓ ⴳ ⵓⵙⵙⵉⵍⵖ ⴰⵙⵓⵍⴰⵏ ⵏ ⵉⵎⵙⵙⵓⵖⵍⵏ, ⴷ ⵓⵙⵙⵎⵔⵙ ⵏ ⵜⵎⵢⴰⴷⴰⵙⵉⵏ ⵜⵉⵜⵔⴰⵔⵉⵏ ⵏⵏⴰ ⵉⵣⴷⴷⵉⵏ ⴳⵔ ⵜⵓⵙⵙⵏⴰ ⵜⴰⵙⵏⵉⵍⵙⵜ ⴷ ⵜⵙⵏⵉⴳⵉⵜⵉⵏ ⵜⵓⵙⵏⵉⵙⵉⵏ, ⵙ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵡⴰⵏⵏⴰⵍ ⵏ ⵜⵓⴳⴳⴰⵙ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴰⴳⵯⵏⵙ ⵏ ⵜⵎⵔⵙⴰⵍ.

ⵎⴽⵍⵍⵉ ⵙⴷⴷⵉⴷⵏⵜ ⵉⵏⴽⵛⴰⵎⵏ ⵅⴼ ⵓⵙⵓⵖⵏ ⵏ ⵓⵙⴱⵓⵖⵍⵓ ⵏ ⵉⵙⵓⴳⴰⵎ ⵉⵏⵎⴰⵡⴰⵍⵏ ⴷ ⵉⵏⵙⵏⵉⵔⵉⵎⵏ, ⴷ ⵓⵙⵢⵉⵡⵏ ⵏ ⵜⵎⵙⴰⵖⵓⵍⵉⵏ ⵏ ⵜⵓⵜⵍⴰⵢⵜ, ⵃⵎⴰ ⴰⴷ ⵢⵉⵍⵉ ⵓⴹⴰⴽⴰⵍ ⵏ ⵓⵖⵓⴷⵓ ⵏ ⵜⵡⵓⵔⵉ ⵜⴰⵎⵙⵓⵖⵍⵜ ⴷ ⵓⵙⴰⴷⵎⵔ ⵏⵏⵙ ⵉ ⵡⴰⵙⵙⴰⵔⵏ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ.

ⴰⵙⴷⴷⵉⴷ ⵅⴼ ⵡⴰⵜⵉⴳ ⵏ ⵓⵙⵙⴰⵔⵓ ⴳ ⵓⵙⵙⵉⵍⵖ ⴰⵙⵓⵍⴰⵏ ⵏ ⵉⵎⵙⵙⵓⵖⵍⵏ ⴷ ⵢⴰⵜ ⵙⴳ ⵜⵖⴰⵡⵙⵉⵡⵉⵏ ⵜⵉⴷⵙⵍⴰⵏⵉⵏ ⵏⵏⴰ ⵉⵜⵜⵢⴰⵡⴱⴷⴰⵔⵏ ⴳ ⵜⵙⵓⵜⵍⵜ, ⴷ ⵓⵙⵙⵎⵔⵙ ⵏ ⵜⵎⵢⴰⴷⴰⵙⵉⵏ ⵜⵉⵜⵔⴰⵔⵉⵏ ⵉⵣⴷⴷⵉⵏ ⴳⵔ ⵜⵓⵙⵙⵏⴰ ⵜⴰⵙⵏⵉⵍⵙⵜ ⴷ ⵜⵙⵏⵉⴳⵉⵜⵉⵏ ⵜⵓⵙⵏⵉⵙⵉⵏ, ⵙ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵡⴰⵏⵏⴰⵍ ⵏ ⵜⵓⴳⴳⴰⵙ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴰⴳⵯⵏⵙ ⵏ ⵜⵎⵔⵙⴰⵍ.

ⴷⴰ ⵙⵙⵉⵙⴼⵉⵡⵏ ⵉⵙⴳⵣⵍⵏ ⵏ ⵓⵙⵙⵉⵍⵖ ⴰⴷ, ⴰⵙⵙⴰⵔ ⵏ ⵢⴰⵏ ⵢⵉⵥⵕⵉ ⴰⵎⵔⵙⴰⵍ ⴰⵎⵙⵉⴷⴼ, ⵏⵏⴰ ⵉⵙⵎⴽⴰⵍⵏ ⵜⵉⵏⵥⴰⵕ ⵜⵉⵣⵣⵓⵍⴰⵏⵉⵏ, ⵕⵥⵎⵏⵜ ⵉⴳⵔ ⵎⵏⵉⴷ ⵏ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵉⵎⵙⵙⵓⵖⵍⵏ ⵣⵎⵔⵏⵉⵏ ⴰⴷ ⴹⴼⵕⵏ ⵉⵙⵏⴼⵍⵏ ⵉⵜⵉⵇⵏⵉⵢⵏ ⴷ ⵉⵙⵏⵉⵍⵙⵏ, ⵙ ⴰⵢⵍⵍⵉ ⵔⴰⴷ ⵉⵙⴷⵓⵙ ⵜⵉⵍⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵢⵉⴳⵔⴰⵏ ⵉⵎⵙⵙⵓⴳⵓⵔⵏ ⴷ ⵓⵍⴳⵉⵏⵏ ⴷ ⵉⵏⵎⵢⴰⵡⴰⴹⵏ.

ⵄⴱⴷⵍⵡⴰⵃⴷ ⴱⵓⵜⴱⴰⵖⴰ