ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵙⴼⵖ ⴷ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ ⵙ ⵓⴷⵔⴰⵡ ⴰⴽⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⴰⵡⴰⵙⵜ ⵜⴰⵎⴰⵔⵉⵜ (ⵜⴰⵏⵖⵍⴰⴼⵜ) ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵢⴰⵏ ⵡⴰⵔⵔⴰ ⴰⵎⴰⵢⵏⵓ ⵉⵙⵙⵏⵜⴰⵎⵏ ⵉ ⵜⵡⵓⵔⵉⵡⵉⵏ ⵏ ⵡⴰⵙⵙ ⴰⵣⵔⴰⵡⴰⵏ ( ⵏ ⵜⵖⵓⵔⵉ) ⵅⴼ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵣⵣⵔⴰⴼ, ⵏⵏⴰ ⵉⵏⵎⴰⵍⴰⵏ ⴰⵙⵙ ⵏ 22 ⵢⵓⵏⵢⵓ ⴳ ⵕⵕⴱⴰⵟ.
ⴰⵔ ⵜⵙⵙⵎⵏⵉⴷ ⵜⵥⵕⵉⴳⵜ ⴰⵙⴳⵣⵍ ⵏ ⵓⵎⴹⴰⴽⴰⵕ ⵓⵙⵙⵏⴰⵏ (ⴰⵎⴰⵙⵙⴰⵏ) ⴷ ⵓⵎⵔⵙⴰⵍ ⵏⵏⴰ ⵉⵙⵎⵓⵏⵏ ⵉⵎⴰⵙⴰⵢⵏ ⵓⵏⴱⵉⴹⵏ, ⵉⵎⵥⵍⴰⵢⵏ ⵓⵍⴳⵉⵏⵏ ⴷ ⵉⵎⵔⵣⵓⵜⵏ, ⵉ ⵓⵙⵎⴰⵏⴰⵔ ⵏ ⵜⵏⵥⴰⵕ ⵉⵜⵜⵔⵙⵏ ⵎⵏⵉⴷ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⴷ ⵜⴱⵔⵉⴷⵉⵏ ⵏ ⵓⵙⵉⴷⴼ ⵏⵏⵙ ⴳ ⵜⵏⵜⴰⵎⵉⵏ ⴷ ⵜⵎⵢⴰⵣⴰⵏⵉⵏ ⵜⵓⵍⴳⵉⵏⵉⵏ.
ⵢⵓⵎⴰ ⵓⴷⵍⵉⵙ ⴳ ⵜⵙⵏⵉⵡⵉⵏ ⵏⵏⵙ, ⴰⵢⵍⵍⵉ ⵙ ⵉⴼⴼⵖ ⵓⵏⵎⵓⵇⵇⴰⵔ ⵙⴳ ⵉⵙⵖⵍⴰⴼ ⵓⵎⵀⵉⵍⵏ, ⴳ ⵏⵉⵜ ⵉⵍⵍⴰ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵙⵓⵖⵍ ⵓⵍⴳⵉⵏ, ⴷ ⵓⵙⵢⵉⵡⵏ ⵏ ⵉⵔⵎⴰⵏ.
ⵜⴷⴷⴰ ⴷ ⵜⵥⵕⵉⴳⵜ ⴰⴷ ⴰⴼⴰⴷ ⴰⴷ ⵜⴳ ⵢⴰⵜ ⵜⵙⴰⵖⵓⵍⵜ ⵜⴰⵏⵜⴰⵎⴰⵏⵜ ⵜⴰⵎⴰⵢⵏⵓⵜ ⵙⴳ ⵜⵉⴽⵍⵉ ⵏ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵎⴰⵣⵉⵖⵜ ⴳ ⵓⵣⵣⵔⴰⴼ ⴰⵎⵖⵔⵉⴱⵉ, ⴷ ⵓⴷⵃⵃⴰⵢ ⵏ ⵓⵎⴹⴰⴽⴰⵕ ⵖⵔ ⵜⵙⵓⵔⵉⴼⵉⵏ ⵜⵉⵎⵣⵣⴳⴰⵔⵉⵏ ⵜⵓⵎⵀⵉⵍⵉⵏ.
