ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴷⵔⴰ ⵎⴰⵙⵙⴰ ⵖⵉⵜⴰ ⵎⵣⵣⵓⵔ Ghita Mezzour – غيثة مزور, ⴰⵙⵙ ⵏ ⵓⴽⵡⴰⵙ, ⴳ ⵜⵖⵔⵎⵜ ⵏ ⵟⴰⵏⵊⴰ, ⴳ ⵢⴰⵜ ⵜⵖⵉⵎⵉⵜ ⵜⴰⵕⵥⵥⵓⵎⵜ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵏⵏⴰ ⵢⵓⵙⵉⵏ ⵜⴰⵎⴰⵜⴰⵔⵜ » ⴰⵙⵏⴼⵍ ⴰⵎⵓⵟⵟⵓⵏ ⵏ ⵓⵏⴰⴳⵔⴰⵡ ⵏ ⵜⵣⵔⴼⵜ: ⵜⴰⵎⵙⵙⵉⵍⵉⵜ ⵏ ⵜⵣⵔⴼⵜ ⵜⵉⵎⵕⵡⵉⵜ ⴷ ⵜⵖⵣⵓⵔⴰⵏⵜ », ⵏⵏⴰ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⵣⵔⴼⵜ ⵙ ⵜⴷⵔⴰⵡⵜ ⴷ ⵓⵖⴰⵡⴰⵙ ⴰⵎⵙⵙⴳⵎⵉ ⵏ ⵜⵎⵜⵜⴰ ⵉⵎⵓⵏⵏ.
ⴳ ⵜⴳⵓⵔⵉ ⵏⵏⵙ, ⵙ ⵓⵣⵎⵣⵣⵓ, ⵜⵙⵙⵎⵖⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵙ ⵓⵙⵡⵉⵔ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⵏⵏⴰ ⵉⵙⵎⵓⵏⵏ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵙ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵜⴱⴷⵔ ⵙ ⵜⴹⴼⵕⵉ ⵉⵙⵓⵍⵏ ⵏ ⵜⵎⴰⵡⴰⵙⵜ ⵏⵏⵖ ⵙⴳ ⵓⵙⵙⵎⵏⵉⴷ ⵏ ⵜⵡⵉⵙⵉ ⵜⴰⵜⵉⵇⵏⵉⵜ ⴷ ⵜⵏⴱⵔⵉⴷⵜ ⵉ ⵜⵎⴰⵡⴰⵙⵜ ⵏ ⵜⵣⵔⴼⵜ ⴳ ⵓⵙⵖⵉⵡⵙ ⴷ ⵓⵣⵣⴳⵉⵔ ⵏ ⵉⵙⵖⵏⵓⵜⵏ ⴰⴽⴽⵯ ⵉⵎⵓⵟⵟⵓⵏⵏ ⴷ ⴳ ⵜⵙⵎⵓⵟⵟⵓⵏⵜ ⵏ ⵉⵍⵓⴳⵏⵏ ⵉⵎⵙⵙⵓⴳⵓⵔⵏ ⵙ ⴰⵢⵍⵍⵉ ⵔⴰⴷ ⵉⴼⵔⵔⵓ ⴰⵙⵀⵡⵏ ⵏ ⵜⵎⴳⴳⵉⵢⵉⵏ ⵜⵉⵎⵙⵙⵓⴳⴰⵔ ⵉⵙⵙⵔⵅⵓ ⵜⵓⴷⵔⵜ ⵜⴰⴽⵓⵢⴰⵙⵜ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰ ⵙ ⵓⵎⵙⴰⵙⴰ ⴷ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⴰⵜⵜⵓⵢⵏⵉⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
