ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵓⵎⵉ ⵜⵓⵖⴰ ⵏⵜⵜⵎⵓⵏ ⵃⵎⴰ ⴰⴷ ⵏⵙⴱⴷⴷ ⵜⴰⵎⵙⵎⵓⵏⵜ ⵏ ⵉⵍⵎⴰⵙ, ⵜⵓⵖⴰ ⴽⵓ ⵉⵎⴰⵍⴰⵙⵙ ⵏⵉⵖ ⵙⵉⵏ ⵉⵎⴰⵍⴰⵙⵏ ⵏⵜⵜⵎⵙⴰⴳⴰⵔ ⴰⴽⴷ ⵎⴰⵙ ⵎⵓⵃⵎⵎⴷ ⴱⵓⴷⵀⴰⵏ ⴳ ⵓⵖⵎⵉⵙ ⵏ » ⵍⵉⵜⵜⵉⵃⴰⴷ ⵍⵉⵛⵜⵉⵔⴰⴽⵉ » ⵏⵉⵖ ⴳ ⵛⴰ ⵏ ⵓⵖⵎⵉⵙ ⵏⵏⵉⴹⵏ. ⵜⵉⵔⴰ ⵏⵏⵙ ⵜⵓⵖⴰ ⵜⵏⵜ ⵅⴼ ⵜⵎⴰⵣⵉⵖⵜ ⴷ ⵜⵎⴰⴳⵉⵜ ⵜⴰⵎⵖⵔⴰⴱⵉⵜ. ⴳ ⵓⵎⵣⵡⴰⵔⵓ ⵜⵓⵖⴰ ⵓⵔ ⵜ ⵏⵙⵙⵉⵏ. ⵎⵉⵏⵣⵉ ⵜⵓⵖⴰ ⵏⵜⵜⵎⵙⴰⴳⴰⵔ ⴰⴽⵉⴷⵙ ⴷⵉ ⵜⵉⵔⴰ ⵡⴰⵀⴰ. ⵜⵓⵖⴰ ⵜⵜⵖⵉⵔ ⴰⵏⵖ ⵛⴰ ⵏ ⵢⵉⵊⵊⵏ ⵉⵜⵜⴰⵔⵉ ⴷ ⵙ ⴰⵕⵕⴱⴰⵟ ⵏⵉⵖ ⵙⴳ ⵛⴰ ⵏ ⵓⵎⵛⴰⵏ (ⴰⴷⵖⴰⵔ) ⵏⵏⵉⴹⵏ. ⵎⴰⵛⴰ ⵉⵊⵊ ⵏ ⵡⴰⵙⵙ, ⴰⵎ ⵏⵇⵇⵉⵎ ⴳ ⵍⵇⴼⵡⴰ ⵏ « ⵏⵏⴰⵅⵉⵍ », ⵢⵓⴷⴼ ⴷ ⵅⴰⴼⵏⵖ ⵉⵊⵊ ⵓⵜⴰⵔⵔⴰⵙ. ⵜⵓⵖⴰ ⵏⵇⵇⵉⵎ, ⵏⵛⵛⵉⵏ ⵉⵎⴰⵣⵉⵖⵏ ⵏ ⵓⵎⵓⵙⵙⵓ ⴰⵎⴰⵣⵉⵖ, ⵏ ⵙⵙⴰⵡⴰⵍⵏ ⵅⴼ ⵜⵎⴰⵣⵉⵖⵜ ⴷ ⵜⵉⵡⵛⵛⴰ ⵏⵏⵙ. ⴰⵜⵔⵔⴰⵙ ⵏⵏⵉ ⴷ ⵢⵓⴷⴼⵏ, ⵢⵉⵕⴹ ⵎⵍⵉⵃ: ⴰⵇⵓⵚⵟⵉⵎ, ⵜⴰⵇⵎⵉⵊⵊⴰⵜ ⵜⴰⵛⵎⵍⴰⵍⵜ, ⴽⵔⴰⴱⴰⵜ, ⵉⵀⵔⴽⵓⵙⵏ ⴷ ⵉⴱⵔⵛⴰⵏⵏ, ⵜⵜⵡⵚⵚⴳⵏ. ⵉⵏⵏⴰ ⴰⵏⵖ ⴰⵣⵓⵍ ⵓⵛⴰ ⵉⵇⵇⵉⵎ. ⵏⵛⵛ, ⵓⵔ ⵜ ⵙⵙⵉⵏⵖ. ⵉⵏⵏⴰ ⴰⵢⵉ ⵢⵉⵊⵊ ⵙⴳ ⵢⵉⵏⵏⵉ ⴰⴽⴷ ⵇⵇⵉⵎⵖ:
– ⴰⵇⵇⴰ ⵛ ⴱⵓⴷⵀⴰⵏ. ⵡⵏⵏⵉ ⵉⵜⵜⴰⵔⵉⵏ ⵅⴼ ⵜⵎⴰⵣⵉⵖⵜ.
ⴳ ⵜⵉⴷⵜ, ⴱⵓⴷⵀⴰⵏ, ⵙ ⵜⵉⵔⴰ ⵏⵏⵙ ⵅⴼ ⵜⵎⴰⵣⵉⵖⵜ ⵉⵡⵛⴰ ⴰⵏⵖ ⵉⵛⵜ ⵜⵣⵎⴰⵔⵜ ⵜⵎⵖⴰⵔ ⵃⵎⴰ ⴰⴷ ⵏⵏⵙⵏ, ⴰⴷ ⵏⵔⵎⵙ, ⴰⴷ ⵏⵊⴰⵡ ⵅⴼ ⵜⵙⵖⴰⵔⵜ ⵏⵏⵖ ⴳ ⵉⵢⵢⴰⵔ ⵏ ⵜⵎⴰⴳⵉⵜ. ⵉⵙⵉⵡⵍ ⴰⴽⵉⴷⵏⵖ ⵉⴳⵍⵍⵉⵏ (ⵓⵢⴷⵊⵉⵏ) ⵅⴼ ⵡⴰⵟⵟⴰⵚ ⵏ ⵜⵎⵙⵍⴰⵢⵉⵏ ⵉⵇⵇⵏⵏ ⵖⴰⵔ ⵜⵓⵜⵍⴰⵢⵜ ⴷ ⵜⵎⴰⴳⵉⵜ ⴷ ⵓⵎⵣⵔⵓⵢ ⴰⵎⴰⵣⵉⵖ.
ⵏⴷⵡⵍ ⵏⵜⵜⵏⴰⵎⴰ ⴰⴽⵉⴷⵙ. ⵏ ⵏⵜⵜⵖⵉⵎⴰ ⴰⴽⵉⴷⵙ, ⵏⵙⴰⵡⴰⵍ ⵅⴼ « ⵎⵉⵏ ⵏⵄⵏⴰ ⵏⵛⵛⵉⵏ ». ⵏⵇⵇⵉⵎ ⴳ ⵍⵇⵀⵡⴰ ⵏ « ⵏⵏⴰⵅⵉⵍ » ⴷ ⵜⵏⵏⵉ ⵏ « ⵄⴰⵍⵓⵛ » ⴷ ⵜⵏⵏⵉ ⵉⵍⵍⴰⵏ ⴰⵔⵏⴷⴰⴷ ⵏ ⵙⵉⵏⵉⵎⴰ ⵏ « ⴰⵔⵔⵓⵢⵓ ».
ⴱⵓⴷⵀⴰⵏ ⵜⵓⵖⴰ ⵜ ⵍⴱⴷⴰ ⵉⵙⴼⵉⵔⵏⵉⵏ. ⵍⴱⴷⴰ ⵉⴱⴱⵉⵔⵀ ⵡⵓⵍ ⵏⵏⵙ. ⵓⵔ ⵊⵊⵉⵏ ⵥⵕⵉⵖ ⵜ ⵛⴰ ⵏ ⵜⵡⴰⵍⴰ ⵉⵙⵖⵎⴱⴻⴱ. ⵡⴰⵅⵅⴰ ⵉⵙⴰⵡⴰⵍ ⵅⴼ ⵉⵎⵅⵓⵎⴱⴰⵔ ⵉⵎⵇⵇⵔⴰⵏⵏ ⵉⵇⵇⵏⵏ ⵖⵔ ⵜⵎⴰⴳⵉⵜ ⵏⵏⵖ ⵜⴰⵎⴰⵣⵉⵖⵜ, ⵎⴰⵛⴰ ⵉⵙⴼⵉⵔⵏⵏ, ⵢⴰⴹⵚⴰ (ⵉⴹⵃⵃⵛ), ⵉⵜⵜⴽⴽⵙ ⵛⴰ ⵅⴼ ⵡⵓⵍ. ⵄⵎⵎⴰⵔⵙ ⵓⵔ ⵜⴻⵜⵜⵓⵖ ⴰⴱⵉⵔⵔⵀ (ⵔⴼⵔⴰⵃⵜ) ⵉ ⵉⴳⴳⴰ ⵓⵎⵉ ⵏⴼⴼⵖ, ⴳ 1 ⵎⴰⵢⵢⵓ, ⴰⵙⴳⴳⵯⴰⵙ 1991 ⵓⵍⴰ 19992 ⵏⵉⵢⵙⵉ ⵜⵉⵙⴽⴽⴰⵏⵉⵏ (لافتات), ⵏⵓⵔⴰ ⴷⴰⵢⵙⵏⵜ : ⵓⵔ ⵜⵍⵍⵉ ⵜⴷⵉⵎⵓⵇⵕⴰⵟⵉⵟ ⵡⴰⵔ ⵜⴰⵎⴰⵣⵉⵖⵜ. ⵓⵎⵉ ⵉⵥⵕⴰ ⴰⵏⵉⵛⵜ ⵓⵢⵏⵏⵉ ⵏ ⵉⵎⵖⵏⴰⵙⵏ ⴼⴼⵖⵏ ⵙⵖⵓⵢⵢⵓⵏ ⵅⴼ ⵜⵎⴰⵣⵉⵖⵜ ⵃⵎⴰ ⴰⴷ ⵜⴰⴷⴼ ⴳ ⵜⵎⵔⵙⴰⵍ (institutions),, ⵓⵔ ⵢⵓⴼⵉ ⵎⴰⵏⵉ ⵖⴰ ⵉⴳⴳ ⵉⵅⴼ ⵏⵏⵙ ⵙ ⵓⴱⵉⵔⵔⵀ (joie).
ⵄⴷⵓⵏ ⵡⵓⵙⵙⴰⵏ, ⵏⵛⵛ ⴷⵡⵍⵖ ⴷ ⴰⵙⵍⵎⴰⴷ ⴳ ⵜⵙⴷⴰⵡⵉⵜ ⵏ ⵍⴰⵅⴰⵡⵢⵏ ⴳ ⵉⴼⵔⴰⵏ. ⵎⴰⵛⴰ ⴱⵓⴷⵀⴰⵏ ⵓⵔ ⵊⵊⵉⵏ ⵉⵜⵜⵓ ⴰⵢⵉ. ⵉⵙⵙⵓⴼⵖ ⴷ ⴰⵖⵎⵉⵙ ⵏⵏⵙ » ⵜⴰⵡⵉⵣⴰ ». ⴳ ⵓⵎⵣⵡⴰⵔⵓ ⵜⵓⵖⴰ ⵜⵜⵕⴰⵃⵖ ⴰⵔ ⴼⴰⵙ ⵏⵉⵖ ⴰⵔ ⵎⴽⵏⴰⵙ ⵃⵎⴰ ⴰⴷ ⵅⴰⴼⵙ ⵔⵣⵓⵖ ⵃⵎⴰ ⴰⴷ ⵜⵙⵖⵖ, ⵎⴰⵛⴰ ⵅⵎⵉ ⴷ ⴷⴷⴰⴽⴽⵯⴰⵍⵖ ⵖⵔ ⵜⵙⴷⴰⵡⵉⵜ ⵏ ⵍⴰⵅⴰⵡⵢⵏ ⵜⵜⴰⴼⵖ ⵜ ⵉⵙⵙⴽⴽ ⴰⵢⵉ ⵜⵜ ⵉⴷ. ⴽⵓ ⴰⵢⵓⵔ ⴰⴷ ⴰⵢⵉ ⵜⵜ ⵉⴷ ⵉⵙⵙⴽ. ⵡⴰⵅⵅⴰ ⵏⵏⵉⵖ ⴰⵙ ⴰⴷ ⴰⵛ ⵜⵜ ⵜⵜⵅⴷⴷⴰⵙⵖ, ⵎⴰⵛⴰ ⵢⵓⴳⵉ. ⴰⴽⴷ ⵡⵓⵙⵙⴰⵏ ⴰⵔⵉⵖ ⴷ ⴰⵏⵖⵎⵉⵙ ⴰⵇⵇⴰ ⵡⴰⵔ ⵉⴷⵊⵉ ⵖⴰⵔ ⵏⵛⵛ ⵓⵎⵉ ⵜⵓⵖⴰ ⵜ ⵉⵙⵙⴽⴽⴰ. ⵜⵓⵖⴰ ⵉⵙⵙⴽⴽⴰ ⵜ ⵉⵡⴰⵟⵟⴰⵚ ⵏⵏⴹⵏⵉ. ⵉⵜⵜⴽⴽⵙ ⵣⵉ ⵊⵊⵉⴱ ⵏⵏⵙ ⴷ ⵡⴰⴷⵊⵉ ⵏⵏⵙ ⵃⵎⴰ ⴰⴷ ⵉⵙⵙⵉⵔⵓ ⵜⵓⵙⵙⵏⴰ ⵙ ⵜⵎⴰⵣⵉⵖⵜ. ⵜⵓⵖⴰ ⵜ ⴷ ⴰⵎⵖⵏⴰⵙ ⵏ ⵜⵉⴷⵜ.
ⵜⵓⵖⴰ ⵜ ⵉⵊⵊ ⵏ ⵢⵉⵡⴷ ⵏ ⵉⵎⵏⵣⴰⵢⵏ (principes). ⵡⴰⵅⵅⴰ ⵜⵎⵙⴱⴹⵉⴹ ⴰⴽⵉⴷⵙ ⴳ ⵜⴰⵏⵏⴰⵢⵉⵏ ⴷ ⵜⴱⵔⵉⴷⵉⵏ ⵏ ⵓⵙⵡⵉⵏⴳⵎ, ⵎⴰⵛⴰ ⵏⵜⵜⴰ ⴷ ⵏⵜⵜⴰ: ⵉⵙⵙⵏ ⵎⵉⵏ ⵅⴼ ⵉⵔⵣⵣⵓ. ⵓⵎⵉ ⵏⵙⵏⵎⴰⵍⴰ ⴳ ⵓⵙⴳⴳⵯⴰⵙ ⵏ 1995 ⵉⵊⵊ ⵓⵎⵓⵙⵙⵓ (نشاط) ⵏⵉⵡⵉ ⴷ ⴷⴰⵢⵙ « ⵎⵃⵎⵓⴷ ⴷⵔⵡⵉⵛ », ⵓⵔ ⴰⵙ ⴷ ⵢⵓⵙⵉ ⵎⴰⵏⵢⵏⵏⵉ ⵅⴼ ⵔⴳⴰⵏⵜ. ⴳ ⵜⵎⵓⵏⵉⵜ ⵏⴳⴳⴰ ⴳ ⵜⴰⴷⴷⴰⵔⵜ ⵏ ⵜⴷⵍⵙⴰ ⴷⵉ ⵏⵏⴰⴹⵓⵕ, ⵉⵏⵏⴰ ⴰⵏⵖ: ⵏⵛⵛ ⵓⴷⴼⵖ ⵉⵍⵎⴰⵙ ⵃⵎⴰ ⴰⴷ ⵅⴷⵎⵖ ⵜⵎⴰⵣⵉⵖⵜ, ⵓⵔ ⴷⴰⵢⵙ ⵓⴷⵉⴼⵖ ⵃⵎⴰ ⴰⴷ ⴰⵡⵢⵖ » ⵎⴰⵃⵎⵓⴷ ⴷⵔⵡⵉⵛ ». ⵉⵏⵏⴰ ⴰⵏⵖ: ⵎⴰⵢⵎⵎⵉ ⵓⵔ ⴷ ⵏⵜⵜⵉⵡⵉⵎ ⵉⴷⵉⵔ?!. ⵓⵎⵉ ⴷ ⵏⴼⴼⵖ ⵙⴳ ⵜⵎⵓⵏⵉⵜ ⵏⵏⵉ ⵉⵃⵎⴰⵏ, ⵉⵏⵏⴰ ⴰⵢⵉ: ⴷ ⵜⴰ ⴷ ⵜⴰⵎⴳⴳⴰⵔⵓⵜ. ⵀⴰ ⴽⵏⵏⵉⵡ ⵀⴰ ⵉⵍⵎⴰⵙ.
ⵉⵡⵛⴰ, ⴱⵓⴷⵀⴰⵏ ⵎⴰⵕⵕⴰ ⵜⵉⵣⵎⵎⴰⵔ ⵏⵏⵙ ⵉ « ⵜⴰⵡⵉⵣⴰ ». ⴰⵎ ⴷⴰⵢⵉ ⵉⵄⴰⵡⴷ, ⵜⵓⵖⴰ ⵉⵜⵜⵖⵉⵎⴰ ⵙⴳ ⵜⵉⴼⴰⵡⵜ ⵣⵉⴽⴽ ⴰⵔ ⵜⵎⴷⴷⵉⵜ ⵃⵎⴰ ⴰⴷ ⵉⵙⵙⵓⴼⵖ ⴰⵖⵎⵉⵙ ⵏⵏⵉ ⴽⵓ ⴰⵢⵓⵔ. ⵜⵓⵖⴰ ⴽⵓ ⴰⵖⵎⵉⵙ ⵉⵜⵜⴰⵔⵉ ⴷⴰⵢⵙ ⵙ ⵜⴰⵄⵔⴰⴼⵜ ⴷ ⵜⵎⴰⵣⵉⵖⵜ. ⵣⵎⵎⴰⵔⵖ ⴰⴷ ⵉⵏⵉⵖ ⴷ ⵏⵜⵜⴰ ⴰⵎⵣⵡⴰⵔⵓ ⵉ ⵉⵙⵙⵏⵜⴰⵏ ⵉⵜⵜⴰⵔⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⵎⵓⵏⵏ. ⵎⴰⵕⵕⴰ ⵉⵖⵎⵉⵙⵏ ⴷ ⵉⵙⵙⵓⴼⵖ ⴷⴰⵢⵙⵏⵜ ⴰⵙⵏⴽⴷ (مقدمة) ⵙ ⵜⵎⴰⵣⵉⵖⵜ ⴷ ⵜⴰⵄⵔⴰⴼⵜ. ⵓⵊⴰⵔ ⵏ 16 ⵉⵙⴳⴳⵯⴰⵙⵏ ⵏⵜⵜⴰ ⵉⴼⵔⵔⵉ ⴰⵙ ⵉ ⵓⵖⵎⵉⵙ ⵏ ⵜⴰⵡⵉⵣⴰ, ⴰⵔ ⴰⵎⵉ ⵢⵉⵡⴹ ⴰⴷ ⵉⵙⵙⵓⴼⵖ ⵜⵉⵎⴰⴹ(المئات) ⵣⵣⴰⵢⵙ. ⵜⴰⵡⵉⵣⴰ ⵔⵅⵅⵓ ⵜⴷⵡⵍ ⴷ ⵜⴰⵢⵙⵉ ⵏ ⵎⴰⵕⵕⴰ ⵉⵎⴰⵣⵉⵖⵏ ⵏ ⵍⵎⵖⵔⵉⴱ. ⵎⵉⵏⵣⵉ ⴰⵎ ⵉⵕⵥⵎ ⵜⴰⴼⵔⵉⵡⵉⵏ ⵏ ⵓⵖⵎⵉⵙ ⴰ ⵉ ⵉⵔⵉⴼⵢⵏ ⵉⵕⵥⵎ ⵉⵜⵏⵜ ⵉ ⵉⵎⴰⵣⵉⵖⵏ ⵏ ⵓⵎⴰⴹⴰⵍ. ⵓⵔ ⵊⵊⵉⵏ ⵉⴱⴹⴰ ⵎⴰⵙ ⴱⵓⴷⵀⴰⵏ ⵊⴰⵔ ⵉⵎⴰⵣⵉⵖⵏ. ⵎⴰⵛⴰ ⵎⵉⵏ ⵜⵓⵖⴰ ⵜ ⵉⵏⵇⵇⵏ ⵅⵎⵉ ⵜⵓⵖⴰ ⵎⴰⵕⵕⴰ ⵓⵟⵟⵓⵏⵏ ⵏ ⵓⵖⵎⵉⵙ ⵜⵜⵏⵓⵣⵏ ⴳ ⵜⵏⴷⴷⴰⵎ ⴰⵎ ⴽⴰⵣⴰ ⴷ ⵓⴳⴰⴷⵉⵔ, ⵎⴰⵛⴰ ⴳ ⵏⵏⴰⴹⵓⵕ ⵓⵔ ⵜⵜⵏⵓⵣⵏⵜ ⵛⴰ. ⴰⵟⵟⴰⵚ ⵉⵎⵓⵔⵏ ⵉⵜⵜⵛⵜⵛⴰ ⴰⵢⵉ ⵅⴼ ⵎⴰⵏ ⴰⵢⴰ.
ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⴳⴳⴰ ⴱⵓⴷⵀⴰⵏ ⵜⵉⵣⵎⵎⴰⵔ ⵏⵏⵙ ⵜⵉⵎⵇⵔⴰⵏⵉⵏ ⵃⵎⴰ ⵜⵎⴰⵣⵉⵖⵜ ⴰⴷ ⵜⴰⴷⴼ ⴳ ⵎⴰⵕⵕⴰ ⵜⵉⵎⵔⵙⴰⵏ ⵏ ⵓⵡⴰⵏⴽ (مؤسسات الدولة), ⵎⴰⵛⴰ ⵜⵉⵣⵎⵎⴰⵔ ⵉ ⵉⴳⴳⴰ, ⵉⴳⴳ ⵉⵜⵏⵜ ⵓⵎⵉ ⵉⵊⴰⵡ ⴰⴷ ⵏⴰⵔⵉ ⵜⵎⴰⵣⵉⵖⵜ ⵙ ⵓⵙⴽⴽⵉⵍ ⵏⵏⵙ ⵜⵉⴼⵉⵏⴰⵖ. ⴳ ⵓⵎⵣⵡⴰⵔⵓ ⵜⵓⵖⴰ ⵎⴰⵙ ⴱⵓⴷⵀⴰⵏ ⵉⵜⵜⵊⴰⵡ ⵃⵎⴰ ⴰⴷ ⵏⴰⵔⵉ ⵙ ⵓⵙⴽⴽⵉⵍ ⴰⵍⴰⵜⵉⵏⵉ. ⵎⴰⵛⴰ, ⵉⴷⵡⵍ ⵉⵜⵜⵊⴰⵡ ⴰⴷ ⵏⴰⵔⵉ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ. ⵓⵎⵉ ⴷ ⵏⴼⴼⵖ ⵜⴰⵎⴷⴷⵉⵜ ⵏⵏⵉ ⵙⴳ ⵓⵙⵇⵇⵉⵎ ⴰⵎⵙⵓⴳⴳⵓⵔ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ: ⵜⴰⵎⴷⴷⵉⵜ ⵏⵏⵉ ⵓⵎⵉ ⵏⵎⵙⴰⵙⴰ (اتفقنا) ⴰⴷ ⵏⴰⵔⵉ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ, ⵉⵏⵏⴰ ⴰⵢⵉ: ⵎⴰⵍⴰ ⵉⴼⴼⵖ ⴷ ⵓⵙⴽⴽⵉⵍ ⴰ ⵖⵔ ⵜⵓⴷⵔⵜ ⵏ ⴽⵓ ⴰⵙⵙ: ⴰⴷ ⵜ ⵏⴰⴼ ⴳ ⵉⵙⵡⴰⴽ (شوارع) ⴷ ⵜⵎⵔⵙⴰⵍ ⴷ ⵜⵉⵏⵎⴰⵍ ⵏⵣⵎⵔ ⴰⴷ ⵏⵉⵏⵉ ⴰⵇⵇⴰ ⵍⵎⵖⵔⵉⴱ ⵉⴷⵡⵍ ⴷ ⵖⵔ ⵜⵎⴰⴳⵉⵜ ⵏⵏⵙ.
ⴱⵓⴷⵀⴰⵏ ⵎⵓⵃⵎⵎⴷ, ⵓⵢⴷⵊⵉⵏ, ⵢⵓⵛⴰ ⵜⵓⴷⵔⵜ ⵏⵏⵙ ⵎⴰⵕⵕⴰ ⵉ ⵜⵎⴰⵣⵉⵖⵜ. ⵣⵎⵎⴰⵔⵖ ⴰⴷ ⵉⵏⵉⵖ ⵉⵜⵜⵓ ⵉⵅⴼ ⵏⵏⵙ, ⵉⵜⵜⵓ ⵜⴰⵔⵡⴰ ⵏⵏⵙ. ⵃⵎⴰ ⴰⴷ ⵜⴷⴷⴰⵔ ⵜⵎⴰⵣⵉⵖⵜ ⵉⴽⴽⵙ ⵙⴳ ⵓⵢⵙⵓⵎ ⵏⵏⵙ. ⵉⴽⴽⵙ ⵙⴳ ⵉⵅⴼ ⵏⵏⵙ. ⵎⴰⵛⴰ, ⵉ ⵏⵛⵛⵏⵉⵏ ⵎⵉⵏ ⵏⴳⴳⴰ ⵉ ⵎⴰⵙⵙ ⴱⵓⴷⵀⴰⵏ ⵃⵎⴰ ⴰⴷ ⵅⴰⴼⵙ ⵏⵙⵙⴼⵙⴻⵙ ⵜⵉⵎⵏⵖⵓⵜⵉⵏ (الآلام) ⴷ ⵓⴷⵓⵣⵏ (ضغوطات) ⵜⵓⵖⴰ ⴳ ⵉⵍⵍⴰ ⵙⴳⴳⴰ ⵎⵎⵓⵜⵏ ⵜⴰⵔⵡⴰ ⵏⵏⵙ. ⵙⴳⴳⴰ ⵉⵇⵇⵉⵎ ⵓⵃⴷⵙ. ⵙⴳⴳⴰ ⵉⴱⴷⴷ ⵓⵖⵎⵉⵙ ⵏ ⵜⴰⵡⵉⵣⴰ?!
ⴱⵓⴷⵀⴰⵏ ⴰⴷ ⵉⵇⵇⵉⵎ ⴷ ⵉⵛⵜ ⵏ ⵜⵎⴰⵜⴰⵔⵜ ⴳ ⵓⵙⵖⵏⵙ (نضال) ⴰⵎⴰⵣⵉⵖ. ⵙⵙⵉⵜⵉⵎⵖ ⵓⵔ ⵜ ⵜⴻⵜⵜⵓⵏ ⴰⵢⵜ ⵏⵏⵙ.
