ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙⴳ 21 ⴰⵔ 24 ⴽⵜⵓⴱⵔ 2025, ⵜⵙⵏⴱⴳⴰ ⵜⵎⴷⵉⵏⵜ ⵏ ⴼⴰⵙ ⴰⵏⵎⵓⵇⵇⴰⵔ ⵏ ⵡⵉⴽⵉⵎⵉⴷⵢⴰ ⵍⵎⵖⵔⵉⴱ (ⵡⵉⴽⵉⴽⴰⵎⴱ) ⴷⴷⵓ ⵜⵎⴰⵜⴰⵔⵜ: « ⵜⴰⵙⵜⵔⴰⵜⵉⵊⵉⵜ ⴷ ⵜⴳⵎⵉ ⵏ ⵉⴼⵓⴽⵙⵏ ». ⵉⵜⵜⵓⵙⵏⵎⴰⵍⴰ ⵓⵎⵓⵙⵙⵓ ⴰⴷ ⴳ ⵢⴰⵏ ⵓⵣⵡⵓ ⴰⵎⵙⵏⵖⵔⴰⵏ ⴷ ⵓⵏⵎⵢⴰⵡⴰⵙ, ⵉⵙⵎⵓⵏ ⵢⴰⵜ ⵜⴳⵔⴰⵡⵜ ⵉⵜⵜⵓⵙⵜⴰⵢⵏ ⵏ ⴽⵕⴰⵎⵔⴰⵡ ⵏ ⵉⵎⴷⵔⴰⵡⵏ ⴳ ⵉⵙⵏⴼⴰⵔⵏ ⵏ ⵜⴰⵡⵙⵙⵏⴰ ⵜⵉⵍⴻⵍⵍⵉⵜ ⵙⴳ ⵜⵎⵏⴰⴹⵉⵏ ⴰⴽⴽⵯ ⵏ ⵍⵎⵖⵔⵉⴱ.
ⵉⵡⴰⴷⵙ ⵓⵏⵎⵓⵇⵇⴰⵔ ⴰⴷ ⵉⵙⵙⴷⵓⵙ ⵜⵉⵣⵎⵎⴰⵔ ⵏ ⵉⵎⴷⵔⴰⵡⵏ ⴳ ⵓⵙⵡⵉⵔ ⵏ ⵜⵉⵔⵔⴰ, ⴷ ⵜⴳⵎⵉ ⵏ ⵉⴼⵓⴽⵙⵏ ⵏⵏⵙⵏ ⵉⵜⵉⴽⵏⵉⵢⵏ ⴷ ⵉⵡⵙⵙⵏⴰⵏⵏ, ⴷ ⴰⴷ ⵉⵕⵥⵎ ⴰⵎⵙⴳⴷⴰⵍ ⵖⴼ ⵢⵉⵎⴰⵍ ⵏ ⵓⵎⵢⴰⵡⴰⵙ ⴰⵏⴰⵎⵓⵏ ⴳ ⵉⵙⵏⴼⴰⵔⵏ ⵏ ⵡⵉⴽⵉⵎⵉⴷⵢⴰ.
ⵢⵓⵎⴰ ⵓⵀⵉⵍ ⴰⴷ ⵢⴰⵏ ⵓⵎⵙⴷⴷⵉⵏ ⵏ ⵜⵙⴰⵡⵔⵉⵏ ⴷ ⵉⵙⵏⴽⴰⴷⵏ ⵖⴼ ⵉⵎⵔⵙⵉⵜⵏ ⵉⵎⵢⴰⵏⴰⵡⵏ, ⵣⵓⵏ ⴷ:
- « ⵖⵔ ⵢⴰⵏ ⵉⵎⴰⵍ ⴰⵏⵎⵢⴰⴷⵔⴰⵢ »: ⴰⵎⵙⴳⴷⴰⵍ ⵖⴼ ⵜⵙⵜⵔⴰⵜⵉⵊⵉⵢⵉⵏ ⵜⵉⵎⵕⵡⵉⵢⵉⵏ ⵉ ⵓⵎⵢⴰⵡⴰⵙ ⴰⵏⴰⵎⵓⵏ ⴳ ⵓⵏⴳⵔⴰⵡ ⵏ ⵡⵉⴽⵉⵎⵉⴷⵢⴰ.
- « ⵜⴰⵏⴽⴷⴰ ⵜⵓⵙⵏⵉⵙⵜ ⵖⴼ ⵡⵉⴽⵉⴷⴰⵜⴰ »: ⵉⵡⴰⴷⵙ ⴰⴷ ⵉⵙⵙⵏⴽⴷ ⵉ ⵉⵎⴷⵔⴰⵡⵏ ⵉⵎⴰⵙⵙⵏ ⵏ ⵉⵙⴼⴽⴰ ⵉⵕⵥⵎⵏ ⴷ ⴰⴷ ⵉⵙⵙⴱⵖⵙ ⴰⵎⵢⴰⴳⴳⴰ ⴷ ⵉⵙⵏⴼⴰⵔⵏ ⵏ ⵡⵉⴽⵉⴷⴰⵜⴰ.
- « ⵜⵉⵜⵉⵇⵏⵉⵢⵉⵏ ⵏ ⵜⵉⵔⵔⴰ ⵏ ⵉⵎⴳⵔⴰⴷⵏ ⴼⵓⵍⴽⵉⵏⵉⵏ »: ⵉⵏⵏⵓⵎⵎⵙ ⵖⴼ ⵓⵙⵙⵉⵍⵉ ⵏ ⵜⵖⴰⵔⴰ ⴷ ⵜⵙⴷⴷⵉ.
- « ⴰⵙⵍⵎⴰⴷ ⴷ ⴰⵎⵛⵛⵔⴽ ⴳ ⵓⵣⵓⵣⵣⵔ ⵏ ⵜⵓⵙⵙⵏⴰ ⵜⵉⵍⴻⵍⵍⵉⵜ »: ⵉⵙⵙⴼⴰⵡ ⵜⴰⵎⵍⵉⵍⵜ ⵏ ⵉⵙⵍⵎⴰⴷⵏ ⴳ ⵓⵙⵏⴰⵍ ⵏ ⵉⵙⵏⴼⴰⵔⵏ ⵏ ⵡⵉⴽⵉⴱⵉⴷⵢⴰ.
- « ⴰⵙⵖⵏⴱⵓ ⵏ ⵜⵓⵎⴰⵢⵜ ⵜⴰⵎⴰⵣⵉⵖⵜ »: ⵉⵙⴽⵏ ⵉⵏⴰⵥⴰⵕⵏ ⵏ ⵜⵉⵔⵔⴰ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⵖⴰⵔⴰⵙⵉⵏ ⵏ ⵓⵙⵙⴽⵛⵎ ⵏ ⵉⵏⵙⵙⵎⵔⵙⵏ ⵉⵎⴰⵢⵏⵓⵜⵏ.
- « ⵉⵎⴳⵔⴰⴷⵏ ⵙ ⵜⵄⵕⴰⴱⵜ ⵜⴰⵎⵖⵔⴰⴱⵉⵜ »: ⵉⵙⵙⴼⴰⵡ ⵉ ⵡⴰⵢⴷⴰ ⴰⵎⴰⵍⵍⴰⵙ ⴰⵎⵉⵡⴰⵏ ⴷ ⵉⵏⴰⵥⴰⵕⵏ ⵉⵎⵢⴰⵇⵇⴰⵏⵏ ⴷ ⵓⵙⵏⵜⵎ ⵏⵏⵙ.
- « ⵡⵉⴽⵉⵎⵉⴷⵢⴰ ⴽⵓⵎⵏⵣ ⴷ ⵓⵙⴽⵜⵔ ⵏ ⵜⵡⵍⴰⴼⵉⵏ ⵜⵉⵍⴻⵍⵍⵉⵢⵉⵏ ».
- « ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵡⵉⴽⵉⴱⵉⴷⵢⴰ: ⵜⵉⵡⵀⴰⵍⵉⵏ ⴷ ⵉⵎⵉⵣⵉⵜⵏ. »
- « ⵜⵉⵖⴰⵔⴰⵙⵉⵏ ⵏ ⵓⵙⴼⴰⵍⴽⵉ ⵏ ⵉⵎⴳⵔⴰⴷⵏ ⵉⵎⵖⵔⴰⴱⵉⵢⵏ ⴰⴼⴰⴷ ⴰⴷ ⴳⵏ ⴼⵔⵉⵏⵏ » ⴰⵎⵙⴳⴷⴰⵍ ⵏ ⵉⵎⴷⵔⴰⵡⵏ ⵖⵔ ⵜⵖⴰⵔⴰⵙⵉⵏ ⵏ ⵓⵙⴱⵓⵖⵍⵓ ⵏ ⵜⵓⵎⴰⵢⵜ ⵜⴰⵎⴱⵖⵔⵉⴱⵉⵜ ⴳ ⵡⵉⴽⵉⴱⵉⴷⵢⴰ.
ⴳ ⵜⴰⵎⴰ ⵏ « ⵡⵉⴽⵉⴽⴰⵎⴱ”, ⵉⵜⵜⵓⵙⴽⴰⵔ ⴰⵡⴷ « ⵎⵉⵏⵉ-ⵀⴰⴽⴰⵜⵓⵏ » ⵙ ⵓⴷⵔⴰⵡ ⵏ ⵜⵔⴰⴱⴱⵓⵜ ⵏ ⵓⵙⵏⴼⴰⵔ ⴰⵜⵉⵇⵏⵉ ⵏ ⵡⵉⴽⵉⵎⵉⴷⵢⴰ ⵍⵎⵖⵔⵉⴱ. ⵜⵜⵓⵙⴽⴰⵔⵏ ⴳⵉⵙ ⵉⵙⵏⴽⴰⴷⵏ ⵉⵜⵉⵇⵏⵉⵢⵏ ⵖⴼ ⵉⵎⴰⵙⵙⵏ ⵣⵓⵏ ⴷ ⵓⵟⵓⵡⵉⴽⵉⴱⵔⴰⵡⵣⵔ, ⵓⴱⵏⵔⵉⴼⴰⵢⵏ, ⴼⴰⴱⵔⵉⴽⴰⵜⵓⵔ, ⴷ ⵡⵉⴽⵉⴼⴰⵏⴽⵛⵏⵣ (AutoWikiBrowser, Openrefine, Phabricator, WikiFunctions)
ⵙⴳ ⵜⵢⴰⴼⵓⵜⵉⵏ ⵏ ⵓⵀⴰⴽⴰⵜⵓⵏ ⴰⴷ, ⴰⵙⴷⵖⵉ ⵏ ⵎⵏⵏⴰⵡ ⵉⵙⵏⴼⴰⵔⵏ ⵉⵜⵉⵇⵏⵉⵢⵏ:
- ⴰⵙⴷⵖⵉ ⴰⵏⵓⴳⴳⴰⵔ ⵏ ⵡⵉⴽⵉⴼⴰⵏⴽⵛⵏⵣ
- ⴰⵙⵙⵉⵣⴷⴳ ⴷ ⵓⵙⴽⵜⵔ ⵏ ⵉⵙⴼⴽⴰ ⵏ ⵉⵙⵉⵏⴰⵏⵏ ⴷ ⵉⵙⴳⵏⴰⴼⵏ ⵉⵎⵖⵔⴰⴱⵉⵢⵏ ⵙ ⵡⵉⴽⵉⴷⴰⵜⴰ.
- ⴰⵙⴷⵖⵉ ⵏ ⵜⵓⵏⵖⵉⵍⵜ ⵜⴰⵄⵕⴰⴱⵜ ⵏ SuggestBot ⴷ ⵓⵙⵏⴼⵍⵉ ⵏ DarijaBot.
- ⴰⵙⴷⵖⵉ ⵏ Wikipedia Chatbot ⴷ ⵓⵣⵓⵔⵜ ⵏ ⵡⴰⵡⴰⵍ ⵖⵔ ⵓⴹⵕⵉⵚ (TTS) ⵙ ⵜⴷⴷⴰⵔⵉⵊⴰ.
- ⴰⵙⴼⴰⵍⴽⵉ ⵏ ⵓⴳⵔⵓⴷⵎ n ⵡⵉⴽⵉⵎⴰⵡⴰⵍ ⵏ ⵜⵎⴰⵣⵉⵖⵜ ⵜⵎⴰⵣⵉⵖⵜ ⴰⴼⴰⴷ ⴰⴷ ⵉⵏⵀⵍ ⵓⵙⴽⵛⵎ ⵏ ⵉⵙⴼⴽⴰ.
- ⴰⵔⵏⵏⵓ ⵏ ⵜⵙⵉⵙⴽⵍⵜ ⵏ ⵜⴼⵉⵏⴰⵖⵜ ⵜⴰⵎⴰⵢⵏⵓⵜ ⵜⴰⵕⵥⵎⵙⴰⴳⵎⵜ ⵉ ⴳⵓⴳⵍ ⴼⵓⵏⵜⵙ.
ⵡⴰⴷⵙⵏ ⵉⵙⵏⴼⴰⵔⵏ ⴰⴷ ⴰⴷ ⵙⵏⴰⵍⵏ ⵜⴰⵡⵏⵏⴰⴹⵜ ⵏ ⵡⵉⴽⵉⵎⵉⴷⵢⴰ, ⴷ ⴰⴷ ⵙⴼⴰⵍⴽⵉⵏ ⵉⵎⴰⵙⵙⵏ ⵏ ⵜⵓⵙⵙⵏⴰ ⵜⵉⵍⴻⵍⵍⵉⵜ, ⴷ ⴰⴷ ⵙⴼⴰⵍⴽⵉⵏ ⵜⵓⵔⵎⵉⵜ ⵏ ⵓⵏⵙⵙⵎⵔⵙ.
ⵉⵎⴷⴰ ⵓⵏⵎⵓⵇⵇⴰⵔ ⴰⴷ ⵙ ⵢⴰⵜ ⵡⵓⴼⵓⵖ ⵏ ⵓⵙⵓⵍⴼ ⴳ ⵜⵎⴷⵉⵏⵜ ⵏ ⴼⴰⵙ, ⴷ ⵢⴰⵜ ⵜⴼⵓⴳⵍⴰ ⵉⵥⵉⵍⵏ ⵙ ⵜⵎⵍⴷⴰ ⵓⴽⵜⵜⴰⵢ ⵡⵉⵙ ⵎⵔⴰⵡ ⵏ ⵓⵙⵙⵔⵙⵍ ⵏ ⵜⴳⵔⴰⵡⵜ ⵏ ⵉⵙⵎⵔⴰⵙⵏ ⵏ ⵡⵉⴽⵉⵎⵉⴷⵢⴰ ⵍⵎⵖⵔⵉⴱ. ⵉⵜⵜⵓⵙⵏⵎⴰⵍⴰ ⵓⵎⵓⵙⵙⵓ ⴰⴷ ⴳ ⵢⴰⵏ ⵓⵣⵡⵓ ⵏ ⵓⵙⵎⵖⵔ ⴷ ⵓⵙⵏⵉⵎⵎⵔ ⵉ ⵡⵉⵍⵍⵉ ⴰⴽⴽⵯ ⵉⴷⵔⵓⵏ ⴳ ⵓⴼⵙⴰⵔ ⵏ ⵜⵓⵙⵙⵏⴰ ⵜⵉⵍⴻⵍⵍⵉⵜ ⴳ ⵍⵎⵖⵔⵉⴱ.
ⴱⵕⴰⵀⵉⵎ ⵙⵙⵄⵉⴷⵉ
