ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵜⵢⵓⵙⴽⴰⵔⵏ ⵉⵍⵎⵓⵇⵇⴰⵔⵏ ⵡⵉⵙ ⵙⵉⵏ ⴳ ⵜⵓⴳⴳⵓⴳⵜ ⵏ ⵜⵎⵓⵏⵜ ⴰⴽⴷ ⵉⵎⵙⵢⴰⴼⵓⵜⵏ ⵃⵎⴰ ⴰⴷ ⵉⵜⵜⵡⴰⴳⴳ ⵓⵙⵓⵜⴳ ⵏ ⵓⵎⵄⵉⵏⵏ ⴷ ⵓⵙⴷⵓⵙ ⵏ ⵜⵓⵙⵙⵏⵉⵡⵉⵏ ⵉ ⵉⵎⴰⴷⵔⴰⵡⵏ ⵏ ⵓⵙⵏⴼⴰⵔ ⵏ ⵉⵄⵔⵔⵉⵎⵏ ⵉⵎⵙⵏⴼⵍⴰⵍ ⵉⵎⴰⵣⵉⵖⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ ⵚⴹⵉⵚⵜ, ⵓⵙⵙⴰⵏ ⵏ 12, 15, 16 ⵉⵏⵏⴰⵢⵔ 2022, ⵍⵍⵉⴳ ⵙⵢⴰⴼⵓⵜⵏ ⵉⵎⴰⴷⵔⴰⵡⵏ ⴷ ⵜⵎⴰⴷⵔⴰⵡⵉⵏ ⵏ : ⵜⵙⴰⵡⵔⵜ ⵏ ⵜⵉⵔⵔⴰ ⵏ ⵓⴹⵕⵉⵚ ⴰⵏⵎⵣⴳⵓⵏ, ⵜⴰⵙⴰⵡⵔⵜ ⵏ ⵜⵉⵔⵔⴰ ⵜⴰⵙⴽⵍⴰⵏⵜ (ⵜⵓⵍⵍⵉⵙⵜ ⴷ ⵓⵏⴳⴰⵍ) ⴷ ⵜⵙⴰⵡⵔⵜ ⵏ ⵜⵉⵔⵔⴰ ⵏ ⵓⵙⵉⵏⴰⵔⵢⵓ, ⴳ ⵜⵉⵔⵉⵎⵜ ⵉ ⴽⵔⴰⵢⴳⴰⵜ ⵜⴰⵙⴰⵡⵔⵜ, ⵥⵍⵉⵏⵜ ⵉ ⵡⴰⵎⵎⴰⵥ ⵏ ⵜⵙⴰⴳⵓⵔⵉⵏ ⴷ ⵜⵓⵙⵙⵏⵉⵡⵉⵏ ⵍⵍⵉ ⴰⵙⵏ ⵉⵜⵜⵡⴰⴼⴽⴰⵏ ⴳ ⵜⵙⴰⵡⵓⵔⵉⵏ ⵏ ⵜⵉⵍⵉⵜ ⵏⵏⴰ ⵣⵔⵉⵏⵉⵏ, ⵙ ⵍⴰⵡⴰⵏ ⴰⴽⴽⵯ ⵜⵉⵙ ⴽⵕⴰⴹⵜ ⴷ ⵜⵉⵙ ⴽⴽⵓⵥⵜ ⴳⵉⵙⵏⵜ.
ⵎⴽⵍⵍⵉ ⴷⴰⵖ ⵏⵙⵍⵍⴰ ⵙ ⵜⴹⴼⵓⵕⵉ ⵉ ⴽⵓⵢⴰⵏ ⵙⴳ ⵉⵎⵙⵢⴰⴼⵓⵜⵏ ⵙⴳ ⵜⵙⴰⵡⵔⵉⵏ ⴰⴷ, ⵃⵎⴰ ⴰⴷ ⵏⴱⴷⴷ ⵅⴼ ⵜⵓⵙⵙⴽⵔⴰ ⵏⵏⵙⵏ ⵙ ⴰⵢⵍⵍⵉ ⴷ ⵉⵡⵉⵏⵜ ⵜⵙⴰⵡⵔⵉⵏ ⵣⵔⵉⵏⵉⵏ.
ⵖⵉⴽⵍⵍⵉ ⵜⵏ ⴷⴰⵖ ⵏⵙⵏⴰⵍ ⵙ ⵙ ⴽⵔⴰ ⵏ ⵜⵖⴰⵔⴰⵙⵉⵏ ⵏ ⵓⵔⵣⵣⵓ ⴼⴰⴷ ⴰⴷ ⵙⴱⵓⵖⵍⵓⵏ ⵉⴹⵕⵉⵚⵏ ⵏⵏⵙⵏ, ⴷ ⴼⴰⴷ ⴰⴷ ⵉⵜⵜⵡⴰⴳⴳ ⵡⴰⵡⵜⵜⴰⵙ ⵏ ⵜⵙⴰⵡⵔⵉⵏ ⵏⵏⴰ ⵉⴳⴰⵏ: « ⵖⵔ ⵜⵉⵔⵔⴰ ⵏ ⵜⵎⵣⴳⵓⵏⵓⵏ ⴷ ⵜⵉⵔⵔⴰ ⵏ ⵉⴹⵕⵉⵚⵏ ⵏ ⵓⵙⵉⵏⴰⵔⵢⵓ ⵏ ⵙⵙⵉⵏⵉⵎⴰ ⴷ ⵜⵓⵍⵍⵉⵙⵉⵏ ⴷ ⵡⵓⵏⴳⴰⵍⵏ ⵉⵎⴰⵣⵉⵖⵏ ⵙ ⵢⴰⵏ ⵜⴰⵍⵖⴰ ⵜⴰⵜⵔⴰⵔⵜ », ⵉⴳ ⵏⵉⵜ ⵉⵍⵎⵎⴰ ⵎⴰⵢⴰⵏⵏ ⵢⴰⵏ ⵓⵎⵙⴰⵔⴰⵙ ⵏⵏⴰ ⵅⴼ ⵉⵡⵉⵏ ⵇⵇⴰⵃ ⵏ ⵉⵎⴰⴷⵔⴰⵡⵏ ⵍⵍⵉⵖ ⴰ ⵜⵜⵎⴰⵖⵏ ⴰⴷ ⵙⵏⴼⵍⵓⵍⵏ ⵉⴹⵕⵉⵚⵏ ⵏⵏⵙⵏ ⵍⵍⵉⵖ ⵏⵏ ⵢⴰⴷ ⴽⴽⵉⵙⵏ ⵎⵏⵛⴽⴽ ⴳ ⵜⵉⵔⵔⴰ.
ⵉⵍⵎⵓⵇⵇⴰⵔⵏ ⴰⴷ ⵙ ⴽⵕⴰⴹ ⵉⴷⵙⵏ ⵉⵙⵙⵓⵜⵉⵜⵏ ⵢⴰⵍ ⵙⴳ:
– ⴷ.ⵎⵓⵃⵎⵎⴰⴷ ⴱⵍⵍⵇⵇⴰⵢⴷ ⴰⵎⴰⵢⵢⵓⵔ
– ⵜⴷ.ⴼⴰⴹⵎⴰ ⴼⴰⵕⴰⵙ
– ⴷ.ⵎⵓⵕⴰⴷ ⵅⵍⵍⵓ
ⵏⵙⵙⴽⵯⵜⵉ ⴷ ⵎⴰⵙ ⴷ ⴰⵙⵏⴼⴰⵔ ⵏ ⵓⵍⵎⵓⵇⵇⴰⵔ ⵏ ⵉⵄⵔⵔⵉⵎⵏ ⵉⵎⵙⵏⴼⵍⴰⵍ ⵉⵎⴰⵣⵉⵖⵏ ⴳ ⵜⵙⵙⵓⵜⵍⵜ ⵏⵏⵙ ⵜⵉⵙ ⵚⴹⵉⵚⵜ, ⵉⵙⵏⵎⴰⵍⴰ ⵜ ⵡⴰⵢⵢⴰⵡ ⵏ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⵏ ⵜⵣⵏⵉⵜ ⵙ ⵓⵙⵙⵥⵕⴼ ⵏ ⵜⵎⵔⵙⵍⵜ ⴼⵕⴰⵏⵙⴰ ⴷ ⵜⵎⴰⴷⴷⴰⵙⵜ ⵏ ⵜⵣⵡⴰⴳⵜ ⴷ ⵜⵏⴼⴰⵍⵉⵜ ⴳ ⵓⵙⴰⵜⵉ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ « ⵙⴳ ⵜⵙⴳⴰ ⵙ ⵜⴰⵢⵢⴰⴹ ».
