ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⴰ ⵎⴰⵙⵙ ⵄⴱⴷⵙⵍⴰⵎ ⴱⴰⵕⴰⴽⴰⵜ, ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ , ⵎⴰⵙⴷ ⴰⵏⵎⵓⴳⴳⴰⵔ ⴰⴷ ⵏⵏⴰ ⵉⵙⴽⴰⵔⵏ ⴰⵙⵎⵣⴰⵣⴰⵍ ⴳⵔ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵎⴷⵢⴰ ⴰⴳⴰⵎⴰⵏ ⴰⵎⴰⵢⵏⵓ, ⵔⴰⴷ ⵉⵙⴱⵔⵣ ⵉⵜⴳⴰⵔⵏ ⵏ ⵓⵎⴷⵢⴰ ⴰⵎⴰⵢⵏⵓ ⴰⴳⴰⵎⴰⵏ ⵏⵏⴰ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ , ⴰⵏⵎⴰⵍⴰ ⴰⴷ ⵉⵙⵖⴰⵡⵙⴰ ⵙ ⵜⴼⵍⵙⵜ ⵏ ⵉⵏⵎⵓⵔⵉⵜⵏ ⴳ ⵜⴼⵔⴽⵜ ⵉⵣⵡⴰⵔⵏ, ⴳ ⵓⵙⴰⵜⵉ ⵏ ⵉⵙⵙⵓⵜⵓⵔⵏ ⵏⵏⵙⵏ ⴳ ⵉⴳⵔⴰⵏ ⵏ ⵜⴷⵓⵙⵉ ⴷ ⵓⵙⵙⵍⵎⴷ .
ⵉⵣⴰⵢⴷ ⵎⴰⵙⵙ ⴱⴰⵕⴰⴽⴰⵜ ⴳ ⵓⵏⵏⵓⵕⵥⵎ ⵏ ⵜⵡⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵜⴰⵏⴰⵎⵓⵔⵜ, ⵏⵏⴰ ⵜⵙⵏⵎⴰⵍⴰ ⵜⵎⴰⴳⵔⴰⵡⵜ ⵏ ⵓⴼⵔⴰ ⴷ ⵓⵎⵙⴰⴷⴰⵔ ⴷ ⵜⴷⵉⵎⵓⵇⵕⴰⵟⵉⵟ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵡⵉⵙⵙ 73 ⵏ ⵓⵍⵖⵓ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵡⵉⵙⵉ ⴷ ⵜⵙⴷⴰⵡⵉⵜ ⵏ ⵉⵣⵔⴼⴰⵏ ⴰⴳⵯⴷⴰⵍ ⵕⵕⴱⴰⵟ ⴷ ⵓⴷⵔⴰⵡ ⴷ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ,ⵎⴰⵙ ⵉⴳⴰ ⵓⵎⴷⵢⴰ ⴰⵎⴰⵢⵏⵓ ⵢⴰⵏ ⵓⵏⵎⴰⵍⴰ ⵏⵏⴰ ⵔⴰⴷ ⵉⵙⴳⴳⴷ ⴰⴱⵔⵉⴷ ⵏ ⵓⵙⴽⵓ ⴰⴷⵉⵎⵓⵇⵕⴰⵟⵉ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ .
ⵉⵏⵏⴰ ⴰⵡⴷ ⵎⴰⵙⵙ ⴰⵎⵙⵜⴳⴳⴰⵔ ⴰⵎⵣⵡⴰⵔⵓ ⴳ ⵜⵏⵎⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ ⵎⴰⵙⴷ ⴰⵎⴷⵢⴰ ⴰⵎⴰⵢⵏⵓ ⵏ ⵜⵏⴼⵍⵉⵜ ⵉⵙⵔⵙ ⵉⵜⴳⴰⵔⵏ ⵏ ⵓⵎⵎⵓⵜⵜⵉ ⵙ ⵢⴰⵏ ⵍⵎⵖⵔⵉⴱ ⵏ ⵓⵎⵓⵔⵙ ⴷ ⵡⵉⵏ ⵜⵣⵎⵎⴰⵔ ⴷⵓⵙⵏⵉⵏ ⴷ ⵓⵙⵙⵉⴷⴼ ⴳ ⵓⵙⴽⴽⵉⵔ ⵏ ⵓⵏⵎⴰⵍⴰ ⵏ ⵜⵏⴼⴰⵍⵉⵜ ⵉⴷⵓⵙⵏ ⵙⴳ ⵓⵙⴽⴽⵉⵔ ⵏ ⵓⴼⴳⴰⵏ ⵎⴰⵙ ⵉⴳⴰ ⵙⴳ ⵉⵙⴰⵜⵓⵔⵏ ⵉⵎⴰⴷⴷⵓⴷⵏ ⵏ ⵜⵏⴼⵍⵉⵜ ⴰⴷ .
ⴳ ⵜⵙⴳⴰ ⵏⵏⵙ ⵉⵏⵏⴰ ⵓⵎⴰⵣⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙ ⵃⵎⴰⴷ ⵃⵔⵉⵣⵏⵉ ⵎⴰⵙⴷ ⴰⵙⴽⴽⵉⵔ ⵏ ⵓⵎⴷⵢⴰ ⵏ ⵜⵏⴼⴰⵍⵉⵜ ⴰⵎⴰⵢⵏⵓ ⵉⴳⴰ ⵙⴳ ⵜⵡⵡⵓⵔⵉⵡⵉⵏ ⵜⵉⵎⴱⵖⵓⵕⵉⵏ ⵏ ⵓⴷⵓⵙⵜⵓⵔ ⵏ ⵍⵎⵖⵔⵉⴱ ⴷⴼⴼⵉⵔ ⵏ 2011 .
