ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵜⵜⵡⵙⴽⴰⵔ ⴰⵙⵙ ⵏ ⵓⵙⵉⵏⴰⵙ ⴰⵚⵏⵚⵉⴱ ⵏ ⵉⴳⵎⴰⵎⵏ ⵏ ⵜⵏⴼⵔⵜ ⵏ ⵜⵙⵎⵖⵓⵔⵜ ⵜⴰⵎⵇⵇⵔⴰⵏⵜ ⵏ ⵜⵏⵖⵎⴰⵙⵜ ⴷⵉ ⵜⵙⵓⵜⵍⵜ ⵏⵏⵙ ⵜⵉⵙⵙ 23 ⵙ ⵜⵎⵍⴷⴰ ⵏ ⵓⵙⴳⴳⵯⴰⵙ 2025 ⴳ ⵓⴳⵔⴰⵡ ⵏⵏⴰ ⵢⵙⵙⵉⵅⴼ ⴰⵎⴰⵡⵙⴰⵙ ⵏ ⵉⵄⵄⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵎⵓⵃⵎⵎⴷ ⵍⵎⵀⴷⵉ ⴱⵏⵙⵄⵉⴷ
ⵉⵍⵍⴰ ⴳ ⵓⴳⵔⴰⵡ ⵏ ⵜⵏⴼⵔⵜ ⵏⵏⴰ ⵜⵙⵙⵉⵅⴼ ⴼⴰⵟⵉⵎ ⵣⵀⵔⴰ ⵍⵡⵔⵢⴰⵖⵍⵉ ⴽⵓⵍ ⵏ ⵎⵓⵃⵎⵎⴷ ⵜⵜⴰⵡⴼⵉⵇ ⵏⴰⵚⵉⵕⵉ ⴷ ⵎⵓⵃⵙⵏ ⴱⵏⵜⴰⵊ ⴷ ⵄⴱⴷⵍⵍⵟⵉⴼ ⴱⵏⵚⴼⵢⴰ ⴷ ⵙⴰⵏⴰ ⵕⴰⵃⵉⵎⵉ ⴷ ⵎⵓⵃⵎⵎⴷ ⵣⵡⴰⵇ ⴷ ⴼⴰⵟⵉⵎⴰ ⴰⵏⵊⴷⴰⵎ ⴷ ⵄⴰⴷⵉⵍ ⵍⵄⴰⵍⴰⵡⵉ ⴷ ⵎⵓⵃⵎⵎⴷ ⴱⵔⵡⵉⵚ ⴷ ⴰⵃⵎⴰⴷ ⴰⵔⵇⴰⵎ ⴷ ⵢⵓⵙⴼ ⴱⵍⵀⴰⵢⵙⵉ .
ⴳ ⵜⴳⵓⵔⵉ ⵙ ⵓⵣⵎⵎⵣⵓ ⴷⵖ ⵉⵙⴷⴷⵉⴷ ⵎⴰⵙⵙ ⴱⵏⵙⵄⵉⴷ ⵎⴰⵙ ⵜⵡⵜⵜⴰⵙ ⵜⴰⵙⵎⵖⵓⵔⵜ ⴰⴷ ⵜⵙⵔⵇⴱ ⴷ ⵜⵎⵓⵙⵙⵓ ⵏ ⵉⵏⵖⵎⴰⵙⵏ ⵅⴼ ⵓⵙⵏⴼⵍⵓⵍ ⴷ ⵉⵙⴱⴰⵢⵏ ⴷ ⵜⵓⵙⵙⵏⴰ ⵏ ⵜⵉⵍⴰⵍⵜ ⵏⵏⵙ ⴰⵙⴳⵓⵎⴰⵏ ⴷⵉ ⵜⴰⵏⴽⵔⴰ ⵙ ⵏ ⵓⵙⵙⴰⵢⵙ ⴰⵏⵖⵎⴰⵙ ⴰⵏⴰⵎⵓⵔ .
ⵉⵙⴳⵓⵔⴰ ⵎⴰⵙ » ⵓⵟⵟⵓⵏ ⵏ ⵜⵓⵔⵛⵉⵃ ⵢⵉⵡⴹⵏ ⴷⵉ ⴰⵙⴳⴳⵯⴰⵙ ⴰⴷ 173 ⵜⵜⵓⵔⵛⵉⵃ ⵔⴰⴷ ⵉⵙⵡⵓⵔⵉ ⵓⴳⵔⴰⵡ ⴰⴷ ⵙ ⵜⴰⵖⵓⵔⵉ ⴷ ⵓⵙⵜⴰⵢ ⵏ ⵎⵉⴷⴷⵏ ⵢⵉⵡⵉⵏ ⵜⴰⵙⵎⵖⵓⵔⵜ ⵎⴰⵢⴰⴷ ⵔⴰⴷ ⵜⴰⵙⴳⵓⵔⵉ ⴳ ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵉⵜⵜⵓⵖⵜⴰⵙⵏ ⴰⴷ ⵜⵜⵓⵙⵏⵎⴰⵍⴰ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ ⴰⴷ ⵢⵓⵛⴽⴰⵏ « .
ⴳ ⵜⵙⴳⵓⵔⵉ ⵉ ⵜⴰⵏⵙⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵜⴼⵔⴰ ⵜⵏⵏⴰ ⵎⴰⵙⵙ ⵍⵡⵔⵢⴰⵖⵍⵉ ⵎⴰⵙ ⴰⵎⵎⴰⴳⴳⴰⵔ ⴰⴷ ⵉⴳⴰ ⵡⴰⵏⵙⴰ ⴰⴷⵙⵍⴰⵏ ⴳ ⵓⵖⴰⵔⴰⵙ ⵏ ⵜⵏⴽⵔⴰⵙ ⵏ ⵜⵏⵖⵎⴰⵙⵜ ⵜⴰⵏⴰⵎⵓⵔⵜ .
