ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵙⵏⵜⵉ ⴰⵙⵙ ⴰⴷ ⵏ ⵓⴽⵕⴰⵙ ⴳ ⵓⴷⵉⵙ ⴰⴱⴰⴱⴰ, ⵜⵉⵍⴰⵍ ⵏ ⵜⵙⵓⵜⵍⵜ ⵜⵓⵏⵣⵉⵍⵜ ⵜⵉⵙ 46 ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵜⵎⵓⵏⵜ ⵜⴰⴼⵔⵉⵇⵉⵜ, ⵙ ⵜⴷⵔⴰⵡⵜ ⵏ ⵍⵎⵖⵔⵉⴱ.
ⵉⵙⵙⵉⵅⴼ ⵓⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵏⴰⵚⵉⵕ ⴱⵓⵕⵉⵟⴰ, ⴰⴽⴰⴱⴰⵕ ⴰⵎⵖⵔⴰⴱⵉ ⴳ ⵜⵙⵓⵜⵍⵜ ⴰⴷ, ⵏⵏⴰ ⵉⵏⵎⴰⵍⴰⵏ ⵙ ⵓⵃⵉⵢⵢⵍ ⵉ ⵓⵏⵎⵓⵇⵇⴰⵔ ⵢⴰⵜⵜⵓⵢⵏ ⵏ ⵉⵡⴰⵏⴽⵏ ⵉⵜⵜⵓⵖⵜⴰⵙⵏ ⴳ 15 ⴷ 16 ⴱⵕⴰⵢⵕ.
ⵔⴰⴷ ⵉⵥⵍⵉ ⵓⵙⵇⵇⵉⵎ ⴰⵎⵣⵣⴳⴰⵔ, ⵙ ⵜⵡⵉⵍⴰ ⵜⵓⵙⵍⵉⴳⵜ, ⵙ ⵓⵙⵜⴰⵢ ⵏ ⵙⵎⵎⵓⵇ ⵉⴳⵎⴰⵎⵏ ⴳ ⵓⵙⵇⵇⵉⵎ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴹⴼⵕⵏ ⵉ ⵜⵎⵓⵏⵜ ⵜⴰⴼⵔⵉⵇⵉⵜ.
ⵎⴽⵍⵍⵉ ⵔⴰⴷ ⵉⵜⵜⵓⵙⵜⴰⵢ ⵓⵙⵇⵇⵉⵎ ⵚⴹⵉⵚ ⵉⴳⵏⵙⴰⵙⵏ ⵏ ⵜⵎⵓⵏⵉ ⵜⴰⴼⵔⵉⵇⵉⵜ, ⴷ ⵜⵣⵔⴰⵡⵜ ⵏ ⵜⵏⴰⴹⵜ ⵜⴰⵙⴳⵯⵙⴰⵏⵜ ⵅⴼ ⵜⵉⵍⴰⵍ ⵏ ⵜⵎⵓⵏⵉ ⴷ ⵉⵥⴹⵡⴰⵏ ⵏⵏⵙ.
ⵉⴳⴰ ⴰⵙⵏⵉⵎⴰⵍ ⴰⴷ ⵉⵎⴹⴰⴽⴰⵕ ⵓⵙⵇⵇⵉⵎ ⵅⴼ ⵉⵙⵖⵏⵓⵜⵏ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⴷ ⵜⵖⵜⴰⵙⵉⵏ ⵏⵏⴰ ⵎⵉ ⵔⴰⴷ ⵉⵜⵜⵓⵙⴽⴰⵔ ⵓⵙⵎⵏⵉⴷ ⴳ ⵓⵏⵎⵓⵇⵇⴰⵔ ⵢⴰⵜⵜⵓⵢⵏ ⵡⵉⵙ ⴽⵕⴰⵎⵔⴰⵡ ⴷ ⵜⴰⵎ ⵏ ⵜⵎⵓⵏⵜ ⵜⴰⴼⵔⵉⵇⵉⵜ.
