ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵙⵏⵜⵉ ⵏ ⵓⴽⴰⵙ ⵏ ⵜⵎⵜⵜⵉⵡⵉⵏ ⵏ ⵉⴼⵔⵉⵇⵢⴰ; ⴰⴳⴰⴷⵉⵔ ⴰⵔ ⵜⵙⴼⵓⴳⵍⵓ ⵙ ⵓⴳⵏⴰⵔ ⵏ ⵓⵙⴳⴳⵯⴰⵙ ⵏ ⵓⵎⵢⴰⵡⴰⴹ ⴰⴷⵍⵙⴰⵏ ⴷ ⵓⵥⴰⵡⴰⵏ ⴰⵎⴰⵣⵉⵖ 17- 18- 19 ⴷⵓⵊⴰⵏⴱⵉⵔ 2025- ⴰⴳⴰⴷⵉⵔ
ⵙ ⵜⴽⵙⵙⴰ ⵜⴰⴼⵓⵣⴰⵔⵜ ⵏ ⵓⴳⵍⵍⵉⴷ ⴰⵎⵇⵇⵔⴰⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ
ⵉⵏⵓⵥⴰⵕ ⵉⵎⴰⵣⵉⵖⵏ ⴳ ⵓⵎⵢⴰⵡⴰⴹ ⴰⵥⵓⵕⴰⵏ ⴰⵖⵣⵓⵔⴰⵏ — ⵜⴰⵙⵓⵜⵍⵜ ⵙ ⵜⵎⴰⴳⵉⵜ ⵜⴰⴼⵔⵉⵇⵉⵜ ⵉⵍⴰⵏ ⵉⵥⵓⵕⴰⵏ
ⴰⵔ ⵜⵙⵏⵎⵉⵍⵉ ⵜⴰⵙⵓⵜⵍⵜ ⵜⵉⵙⵙ ⵙⵉⵎⵔⴰⵡⵜ ⵉ ⵓⵏⵎⵓⴳⴳⴰⵔ ⵜⵉⵎⵉⵜⴰⵔ — ⵜⵉⵎⵉⵜⴰⵔ ⴷ ⵜⴷⵍⵙⵉⵡⵉⵏ ⴳ ⵜⵖⵔⵎⵜ ⵏ ⵓⴳⴰⴷⵉⵔ ; ⴷⴷⵓ ⵜⴽⵙⵙⴰ ⵏ ⵓⴳⵍⵍⵉⴷ ⵏⵏⵖ ⵎⵇⵇⵓⵔⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⴰⴷ ⵜ ⵢⵉⵔⵉ ⵡⴰⴽⵓⵛ. ⵏⴳⵔ ⵓⵙⵙⴰⵏ ⵏ 17 ⴷ 19 ⴷⵓⵊⴰⵏⴱⵉⵔ 2025 ⴳ ⵜⵉⵣⵉ ⵜⵉⵙⵙ ⵙⴹⵉⵙⵜ ⵏ ⵜⴷⴳⴳⵯⴰⵜ.
ⵜⵉⵡⵉ ⴷ ⵜⵙⵓⵜⵍⵜ ⴰⴷ ⵢⴰⵏ ⵓⵙⵕⵚⵓ ⵉⴼⵔⵓⵔⵉⵏ ⵏ ⵓⵙⴰⴽⴰ ⵏ ⵓⵏⵎⵓⴳⴳⴰⵔ ⴷⴰ ⵉⵙⴽⵔⵏ ⵢⴰⵏ ⵓⵎⵣⵔⵓⵢ ⵏ 20 ⵏ ⵓⵙⴳⴳⵯⴰⵙ; ⵉⴳ ⵢⴰⵏ ⵓⵙⴰⵢⵔⵓⵔ ⵏ ⵜⴼⵓⴳⵍⵉⵡⵉⵏ ⵏ ⵓⵥⴰⵡⴰⵏ ⴰⵎⴰⵣⵉⵖ ⴷ ⵓⵏⵏⵓⵕⵥⵎ ⵏⵏⵙ ⵅⴼ ⵓⵎⴰⴹⴰⵍ; ⴷ ⵓⵙⴽⴽⵓ ⵏ ⵜⵉⵙⵏⵙⵉⵜⵉⵏ ⴷ ⵓⵎⵙⴰⵡⴰⵍ ⴰⵥⵓⵕⴰⵏ.
ⵙⴳ ⵍⵍⵉⴳ ⵉⵙⵙⵏⵜⵉ ⴳ ⵓⵙⴳⴳⵯⴰⵙ ⵏ 2004 ⵉⵥⴹⴰⵕ ⵓⵍⵎⵓⴳⴳⴰⵔ ⵏ ⵜⵎⵉⵜⴰⵔ ⴰⴷ ⵢⵓⵜ ⵙ ⵉⵥⵓⵕⴰⵏ ⵉⴳ ⵉⵍⵎⵎⴰ ⵢⴰⵜ ⵜⵎⵢⵓⵔⵜ ⵜⴰⴷⵍⵙⴰⵏⵜ ⵉⴳⴰⵏ ⵡⴰⵥ ⴳ ⵡⴰⵎⵓⵔ ⵏ ⵍⵎⵖⵔⵉⴱ ⵙ ⵓⵎⴰⵜⴰ; ⴰⵔ ⴷ ⵉⵜⵜⴰⵡⵉ ⴽⵓ ⴰⵙⴳⴳⵯⴰⵙ ⵎⴰⴷ ⵉⵜⴳⴳⴰⵏ 200 ⵏ ⵉⴼⴹ ⵏ ⵓⴼⴳⴰⵏ ⵙⵍⴰⵡⴰⵏⵏ ⴰⴽⴽⵯ ⵙ ⵜⵥⵍⴰⵢⵜ ⵏⵏⵙ ⵉⵛⵏⴰⵏ:
» ⵉⵏⵓⵥⴰⵕ ⵉⵎⴰⵣⵉⵖⵏ ⴰⵔ ⵙⴱⵔⵔⴰⴽⵏ ⵙ ⵓⵥⴰⵡⴰⵏ ⵏ ⵓⵎⴰⴹⴰⵍ » ⵉⴳ ⴰⵙⵙ ⴰⴷ ⵢⴰⵏ ⵙⴳ ⵓⵍⵎⵓⴳⴳⴰⵔⵏ ⴷⴰ ⵙ ⵜⵜⴰⵖⵓⵍⵏ ⵉⵎⵔⵣⵓⵏ ⴳ ⵓⵎⴰⴹⴰⵍ ⴰⴽⴽⵯ; ⵉⴳ ⴰⵡⴷ ⵢⴰⵏ ⵡⵓⴷⵎ ⵙⴳ ⵡⵓⴷⵎⴰⵡⵏ ⵉⴷⵍⵙⴰⵏⵏ ⵏ ⵉⴼⵔⵉⵇⵢⴰ.
ⵜⴰⵛⴽ ⴷ ⵜⵙⵓⵜⵍⵜ ⵏ 2025 ⵙ ⵓⵣⵡⵓⵍ ⵜⴷⴳⴳⵯⴰⵜ ⵏ ⵓⵙⵏⵜⵉ ⵏ ⵓⴽⴰⵙ ⵏ ⵜⵎⵜⵜⵉⵡⵉⵏ ⵏ ⵉⴼⵔⵉⵇⵢⴰ ⵍⵍⵉ ⵔⴰⴷ ⴷ ⵢⴰⵛⴽ ⵙ ⵓⴳⴰⴷⵉⵔ ⴳ ⵎⴰⵏⵏ ⵓⵔ ⵢⴰⴳⴳⵓⴳⵏ; ⵍⵍⵉⵖ ⵔⴰⴷ ⵜⴼⴽ ⵉ ⵜⵙⵓⵜⵍⵜ ⴰⴷ ⵢⴰⵏ ⵓⴷⵎ ⵉⵛⵏⴰⵏ ⵉⵥⵥⵏⵥⵔⵏ; ⵜⴼⴽ ⴰⵡⴷ ⵢⴰⵏ ⵓⵎⵎⵔⴽⵙ ⵏⴳⵔ ⵜⴰⴷⵍⵙⴰ ⴷ ⵜⵓⵏⵏⵓⵏⵜ ⵉⴳ ⵉⵍⵎⵎⴰ ⵓⵍⵎⵓⴳⴳⴰⵔ ⵢⴰⵜ ⵜⵎⵍⴷⴰ ⵏ ⵓⵙⴽⴽⵓ ⵏ ⵜⵙⵓⵜⵍⵜ ⴰⴷ ⵍⵍⵉ ⵔⴰⴷ ⵙⵡⵍⴼⵏ ⵉⵎⴰⵙⵙⵏ ⴰⴽⴽⵯ ⵏ ⵓⵏⵖⵎⴰⵙ ⴰⵎⴰⴹⵍⴰⵏ; ⵜⴳ ⵉⵍⵎⵎⴰ ⵜⵎⵉⵜⴰⵔ ⵢⴰⵜ ⵜⵉⴳⴰⵡⵜ ⵜⴷⵍⵙⴰⵏⵜ ⵜⴰⵎⵣⵡⴰⵔⵓⵜ ⵎⵇⵇⵓⵔⵏ ⵍⵍⵉ ⵔⴰⴷ ⵉⵙⵎⵓⵏ ⵜⵎⵍⴷⴰ ⴰⴷ ⵏ ⵜⴷⵍⵙⴰ ⴷ ⵜⵓⵏⵏⵓⵏⵜ.
ⵜⴰⵏⵢⴷⵓⵜ ⵜⴰⵥⵓⵕⴰⵏⵜ ⵉⴱⴹⴰⵏ ⵅⴼ ⴽⵕⴰⴹ ⵉⵡⵉⵣⵏⵏ
ⵉⵡⵉⵣ ⴰⵎⵣⵡⴰⵔⵓ: ⵉⴼⵔⵉⵇⵢⴰ ⴷ ⵜⵓⵥⵍⴰⵢⵉⵏ ⵏⵏⵙ
ⵜⵏⵏⵓⵕⵥⵎ ⵜⵙⵓⵜⵍⵜ ⵙ ⵢⴰⵏ ⵉⵡⵉⵣ ⵉⵙⴼⵓⴳⵍⴰⵏ ⵙ ⵓⵎⵏⵥⴰⵡ ⴰⴼⵔⵉⵇⵉ; ⵙ ⵓⴱⵟⵟⵓ ⵏ ⵜⵙⴷⴷⴰⵔⵉⵏ ⵉⵎⵎⵔⴽⴽⵙⵏ ⵏⴳⵔ ⴰⵙⵏⴼⵍⵓⵍ ⴰⵜⵔⴰⵔ ⴷ ⵜⴰⵢⵙⵉ ⵜⴰⵣⴰⵢⴽⵓⵜ.
ⴷⴰ ⵉⵙⵙⵏⴽⴰⴷ ⵓⵃⵡⴰⵛ ⴱⴰⵏⴰⵜ ⵍⵓⵣ/ ⵔⴰⵙⴽⴰ- ⵜⵉⴽⵛⴱⵉⵍⴰ ⵢⴰⵜ ⵜⵡⵓⵔⵉ ⵜⴰⵥⵓⵕⴰⵏⵜ ⵜⴰⵎⴰⵢⵏⵓⵜ ⵉⵙⵎⵓⵏⵏ ⴳⵔ ⵜⴰⵎⴷⵢⴰⵣⵜ ⵜⴰⵎⴰⵣⵉⵖⵜ ⴷ ⵡⴰⵏⵢⴰⵜⵏ ⵏ ⵙⵓⵙ ⴷ ⵉⵏⵓⵛⵛⵓⴳⵏ ⵉⵍⵓⴽⵟⵕⵓⵏⵉⵏ ⵉⵛⵏⴰⵏ; ⴳ ⵢⴰⵏ ⵓⵍⵎⵓⵇⵇⴰⵔ ⵉⵙⵎⵓⵏⵏ ⴳⵔ ⴰⵜⵔⴰⵔ ⴷ ⵜⵙⵓⵜⵍⵜ.
ⵔⴰⴷ ⵜⵉⵙⵙⴼⵉⵡ ⵜⴷⴽⴽⵯⴰⵏⵜ ⵜⴰⵕⵕⴰⵢⵙⵜ ⴼⴰⵟⵉⵎⴰ ⵜⴰⴱⴰⵄⵎⵔⴰⵏⵜ; ⵉⴳⴰⵏ ⵢⴰⵜ ⵙⴳ ⵜⵏⴰⵥⵓⵕⵉⵏ ⵉⵅⴰⵜⴰⵔⵏ ⴳ ⵉⴳⵔ ⵏ ⵜⵥⵓⵕⵉ ⵜⴰⵎⴰⵣⵉⵖⵜ; ⵏⵏⴰ ⵖⵓⵔ ⵢⴰⵏ ⵓⴳⵕⴹ ⵉⴳⴰⵏ ⵡⴰⵥ; ⵉⴷⵓⵎ ⵓⵣⵎⵣ ⵏⵏⵙ ⵎⴰⴷ ⵉⵜⵜⴳⴳⴰⵏ 40 ⵏ ⵓⵙⴳⴳⵯⴰⵙ.
ⴷ ⵖⵎⴽⵍⵍⵉ ⵔⴰⴷ ⵉⴷⵔⵓ ⴳ ⵓⵍⵎⵓⴳⴳⴰⵔ ⴰⴷ ⵎⴰⴷ ⵉⵜⵜⴳⴳⴰⵏ ⵜⵉⵎⵉⴹⵉ ⵏ ⵓⵎⴰⵔⵉⵔ ⵣⵓⵏⴷ ⴱⵓⵍⵓⵏⴷⵉ ⵏⵏⴰ ⵉⵜⵜⵡⴰⵙⵙⴰⵏ ⵙ ⵜⴷⵓⵙⵉ ⵏ ⵓⴳⵕⴹ ⵏⵏⵙ ⵉⴼⵓⵍⴽⵉⵏ.
ⴷ ⵖⵎⴽⵍⵍⵉ ⵔⴰⴷ ⴳⵉⵙ ⵜⴰⵡⵙ ⵜⴰⵍⴳⴰⴱⵓⵏⵜ ⵛⴰⵏⴰⵍ ⵉⵜⵜⵓⵙⵙⴰⵏⵏ ⴰⵡⴷ ⵏⵜⵜⴰⵜ ⵙ ⵓⴳⴷⵓⴷ ⵏⵏⵙ ⵉⵅⴰⵜⴰⵔⵏ ⴷ ⵓⵔⴰⵔⵏ ⵏⵏⵙ ⵉⴼⵊⵊⵉⵊⵏ ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ.
ⴷ ⵔⴰⴷ ⵜⵙⵙⵏⴽⴷ »ⵉⵣⴰⴱⵉⵍ ⵏⵓⴼⵍⵍⴰ » ⵙⴳ ⵍⵎⵓⵣⴰⵏⴱⵉⵇ ⵢⴰⵏ ⵡⴰⵏⵢⴰ ⴰⵎⴷⵢⴰⵣⴰⵏ ⵉⵎⵎⵔⴽⴽⵙⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ ⵏⵏⴰ ⵉⵎⵎⴰⵍⵏ ⵜⵉⵙⵏⵙⵉⵜⵉⵏ ⵏ ⵓⵎⵛⴰⵔⴰⴽ ⵏⴳ ⵜⴰⴷⵍⵙⴰ ⵜⴰⵎⵖⵔⵉⴱⵉⵜ ⴷ ⵜⴷⵍⵙⴰ ⵏ ⵉⴼⵔⵉⵇⵢⴰ.
ⴷ ⵖⵎⴽⵍⵍⵉ ⵔⴰⴷ ⵉⵙⵙⵏⴽⴰⴷ ⵀⵉⵛⴰⵎ ⵎⴰⵙⵉⵏ ⵢⴰⵏ ⵉⵎⵍⵍⴰⵍⵉ ⴰⵥⵓⵕⴰⵏ ⵉⴼⴼⵓⴽⵙⵏ ⵢⴰⴽⴽⴰⵏ ⵢⴰⵏ ⵓⵙⵙⵎⵖⵔ ⵅⴼ ⵜⵥⵓⵕⵉ ⵜⴰⵎⴰⵣⵉⵖⵜ ⵜⴰⵜⵔⴰⵔⵜ ⵏ ⴳⵍⵍⵉⵏ ⵏ ⵄⵎⵎⵓⵔⵉ ⵎⴱⴰⵔⴽ.
ⵢⴰⵛⴽ ⴷ ⵉⵡⵉⵣ ⴰⴷ ⴰⴷ ⵉⵏⵎⵉⵍⵉ ⴷ ⵜⴼⵓⴳⵍⴰ ⵏⵏⴰ ⵉⵣⴷⵉⵏ ⴷ ⵓⴽⴰⵙ ⵏ ⵉⴼⵔⵉⵇⵢⴰ; ⴷ ⵖⵎⴽⵍⵍⵉ ⵔⴰⴷ ⵏⵏ ⵜⴳⵔ ⵜⵉⴼⴰⵡⵉⵏ ⵅⴼ ⵓⵏⵏⵓⵃⵢⵓ ⵏ ⵜⵥⵓⵕⵉ ⴷ ⵓⵙⵏⴼⵍⵓⵍ ⴳ ⵉⴼⵔⵉⵇⵢⴰ.
ⵉⵡⵉⵣ ⵡⵉⵙⵙ ⵙⵉⵏ: ⴰⵙⴳⵓⵏⴼⵓ ⴰⵡⵏⴳⵎⴰⵏ ⴰⵏⴰⵎⵎⴰⵙ
ⵔⴰⴷ ⵏⵏ ⵉⵍⵓⵃ ⵉⵡⵉⵣ ⴰⴷ ⵜⵉⴼⴰⵡⵉⵏ ⵅⴼ ⵉⵣⵓⵖⴰⵔ ⵏ ⵡⵉⵎⵉⵏⴳ ⴰⵏⴰⵎⵎⴰⵙ ⵙⵍⴰⵡⴰⵏ ⴰⴽⴽⵯ ⵍⵍⵉⴳ ⵔⴰⴷ ⴰⵡⵙⵏ ⵉⵏⵓⵥⴰⵕ ⵏⵏⴰ ⵔⴰⴷ ⵉⵙⵙⵏⴽⴰⴷ ⵜⴰⵡⵙⵙⵏⴰ ⵏⵏⵙⵏ ⵜⴰⵜⵔⴰⵔⵜ.
ⵔⴰⴷ ⵉⵏⵏⵓⵕⵥⵎ ⵓⴼⵙⴰⵔ ⵏ double zuksh ⵓⵏⵓⵖⵏ ⴰⵎⵉⵙⵔⵉ ⵏⵏⴰ ⵢⵓⵎⵥⵏ ⴰⴱⵔⵉⴷ ⵏ ⵓⵙⵖⵓⴷⵓ .
ⴰⵎⵎⴰ ⴰⵏⴰⵥⵓⵕ ⴰⵎⵉⵚⵔⵉ wegz ⵏⵏⴰ ⵉⴳⴰⵏ ⵢⴰⵏ ⴷⴳ ⵉⵎⵙⵍⵉⵏⵏ ⵏ ⵔⵔⴰⴱ ⴷ ⵍⴱⵏⵉ. ⴳ ⵉⴼⴼⵓⵙ ⴰⵏⴰⵎⵎⴰⵙ; ⵔⴰⴷ ⵉⵙⵙⵏⴽⴷ ⵢⴰⵏ ⵍⵄⴰⵔⴷ ⵏⵏⴰ ⴳ ⵔⴰⴷ ⵉⵙⵎⵓⵏ ⵏⴳⵔ ⵜⵉⵍⵉⵜ ⵉⵎⵎⵓⵎⵎⵉⵏ ⴷ ⵓⵙⴼⴰⵍⴽⵉ ⵏ ⵜⵥⵓⵕⵉ ⵏⵏⴰ ⵢⴰⴽⴽⴰⵏ ⵢⴰⵜ ⵜⵓⵎⴰⵏⵜ ⵜⴰⴷⵍⵙⴰⵏⵜ ⵏ ⵉⵙⵔⵖⵉⵏⵏ.
ⵜⴰⵖⵓⵍ ⴷ ⵉⵍⵎⵎⴰ ⵓⵍⵎⵓⴳⴳⴰⵔ ⵙ ⵓⵙⴼⴰⵍⴽⵉ ⵏ ⵓⵔⴰⵔⵏ ⵏ ⵜⵎⴰⵣⵉⵖⵜ ⵜⴰⵜⵔⴰⵔⵜ ⴷ ⵜⵔⴰⴱⴱⵓⵜ ⵏ ⵉⵥⵏⵥⴰⵕⵏ; ⵏⵏⴰ ⵉⴳⴰⵏ ⵢⴰⵜ ⵙⴳ ⵜⵔⵓⴱⴱⴰ ⴷⴰⵔ ⴰⵎⵣⵔⵓⵢ ⵢⴰⵜⵜⵓⵢⵏ ⴳ ⵉⴳⵔ ⵏ ⵜⵥⵓⵕⵉ ⵜⴰⵎⴰⵣⵉⵖⵜ ⴷ ⵏⵏⴰ ⵉⵙⴱⵓⵖⵍⴰ ⴰⴱⵔⵉⴷ ⵏ ⵜⵥⵓⵕⵉ ⵏ ⵉⵎⴰⵣⵉⵖⵏ.
ⴷ ⵖⵎⴽⵍⵍⵉ ⵔⴰⴷ ⵜⵙⵙⵏⴽⴷ ⵎⴰⵕⵡⴰ ⵏⵏⴰⵊⵉ ⵢⴰⵜ ⵜⵙⵓⵜⵍⵜ ⵉⴳⴰⵏ ⵡⴰⵥ ⵏ ⵓⵙⵎⵖⵔ ⵏ ⵢⴰⵜ ⵙⴳ ⵜⵎⵇⵇⵔⴰⵏⵉⵏ ⵏ ⵜⵥⵓⵕⵉ ⵏ ⵡⴰⵄⵔⴰⴱⵏ. ⵙ ⵜⵡⵉⵙⵉ ⵏ ⵓⴽⵉⵙⵜⵔⴰ ⵀⵉⵛⴰⵎ ⵜⵍⵎⵓⴷⵉ ⵏⵏⴰ ⵉⵜⵜⵡⴰⵙⵙⴰⵏ ⵙ ⵜⴱⵔⵉⴷⵜ ⵏⵏⵙ ⵜⴰⴽⴰⴷⵉⵎⵉⵜ ⴷ ⵜⵣⵎⵔⵜ ⵏⵏⵙ ⵏ ⵓⵎⵎⵔⴽⵙ ⵏⴳ ⵜⴰⵎⵖⵔⵉⴱⵉⵜ ⴷ ⵜⵙⵔⵖⵉⵏⵉⵜ.
ⵜⴰⵡⵙ ⴰⵡⴷ ⵜⵔⴰⴱⴱⵓⵜ ⵏ ⴰⵥⴰ ⵏⵏⴰ ⵉⴳⴰⵏ ⵢⴰⵜ ⵜⵔⴰⴱⴱⵓⵜ ⵉⴼⵊⵊⵉⵊⵏ ⵏⵏⴰ ⵉⴳⴰⵏ ⵜⴰⵏⵢⵓⴷⴷⵓⵜ ⵏ ⵓⵎⴰⵔⴳ ⴰⵎⴰⵣⵉⵖ ⴳ ⵓⵎⴰⴹⴰⵍ.
ⵉⴳ ⵉⵍⵎⵎⴰ ⵉⵡⵉⵣ ⴰⴷ ⵢⴰⵜ ⵜⴳⴰⵎⵜ ⵏⴳⵔ ⵡⵉⵎⵉⵏⴳ ⴷ ⵍⵎⵖⵔⵉⴱ ⴷ ⵓⵙⴰⵢⵔⵓⵔ ⴰⵏⴰⵎⵎⴰⵙ; ⵉⴼⴽ ⵢⴰⵏ ⵓⵙⴼⴰⵍⴽⵉ ⵏ ⵜⴰⵢⵙⵉ ⵜⴰⵥⵓⵕⴰⵏⵜ ⴷ ⵓⵖⵓⴷⵓ ⵏⵏⵙ.
ⵉⵡⵉⵣ ⵡⵉⵙⵙ ⴽⵔⴰⴹ: ⵍⵎⵖⵔⵉⴱ ⵏⴳ ⵜⴰⵢⵙⵉ ⴷ ⵜⵎⵜⵜⴰⵏⵜ
ⵉⵥⵍⵉ ⵉⵡⵉⵣ ⴰⴷ ⵙ ⵓⵥⴰⵡⴰⵏ ⴰⵎⵖⵔⵉⴱⵉ ⵏⴳⵔ ⵜⴰⵎⴽⵜⵉⵜ ⵜⴰⵥⵓⵕⴰⵏⵜ ⴷ ⵜⵉⵔⵎⵉⵡⵉⵏ ⵜⵉⵜⵔⴰⵔⵉⵏ
ⵔⴰⴷ ⵜⵙⵙⵏⴽⴷ ⵜⵔⴰⴱⴱⵓⵜ ⵏ ⵓⵃⵡⴰⵛ ⴰⴽⵍⴰⴽⴰⵍ ⵢⴰⵏ ⵓⴼⵙⴰⵔ ⴰⵥⵓⵕⴰⵏ ⵏⵏⴰ ⵖ ⵉⵎⵓⵏ ⴽⴰⵙⵙⴰ ⴷ ⵔⴽⵣ ⵢⴰⴽⴽⴰⵏ ⴰⵙⵎⵖⵔ ⵉ ⵡⴰⵟⵍⴰⵚ ⴰⵎⵥⵢⴰⵏ.
ⵔⴰⴷ ⵢⴰⵡⵙ ⵓⵏⴰⵥⵓⵕ ⴰⵄⵔⵔⵓⵎ ⵅⴰⵍⵉⴷ ⵍⵡⴰⵄⴱⴰⵏⵉ ⵏⵏⴰ ⵔⴰⴷ ⵉⴷⴷⵔ ⵢⴰⵏ ⵉⵡⵉⵣ ⵏ ⵜⵔⴰⴱⴱⵓⵜ ⵙ ⵢⴰⵜ ⵜⵎⴰⵎⴽⵜ ⵜⴰⵜⵔⴰⵔⵜ ⵏⵏⴰ ⵉⵎⵎⴰⵍⵏ ⵜⴰⵎⴰⴳⵉⵜ ⵜⴰⵎⴰⵣⵉⵖⵜ.
ⴰⵎⵎⴰ jaylann ⴰⵏⵢⴰ ⴷ ⵓⴳⵕⴹ ⵢⴰⵜⵜⵓⵢⵏ ⵏⵏⴰ ⵔⴰⴷ ⵉⵙⵙⵏⴽⴰⴷ ⵢⴰⵏ ⵓⴼⵙⴰⵔ ⴰⵣⵓⵔⴰⵏ ⵉⵎⵎⵓⵎⵎⵉⵏ ⵙ ⵢⴰⵜ ⵜⵎⴰⵎⴽⵜ ⵏⵏⴰ ⵏⵏ ⵉⵍⴷⴷⵉⵏ ⴰⴳⴷⵓⴷ.
ⵉⵙⵎⴷ ⵉⵍⵎⵎⴰ ⵓⴼⵙⴰⵔ Labess ⴰⴷⵣⴰⵢⵔⵉ ⵙ ⵜⵎⴰⵎⴽⵜ ⵏ ⵊⵉⴱⵙⵉ ⵛⴰⵄⴱⵉ ⵏⵏⴰ ⵉⵙⵎⵎⵔⴽⵙⵏ ⵏⴳⵔ ⴰⵏⵢⴰⵜⵏ ⵉⴷⵣⴰⵢⵔⵉⵢⵏ ⴷ ⵡⵉⵢⵢⴰⴹ ⵢⴰⴹⵏ ⵏ ⵓⵎⴰⴹⴰⵍ.
