ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵔⴰⴷ ⵜⵙⵏⵎⴰⵍⴰ ⵜⵖⵔⵎⵜ ⵏ ⵎⵕⵕⴰⴽⵛ ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ « ⴰⵍⵓⵎⴳⴰⵔⵓ ⵎⵔⴰⴽⵛ ⵏ ⵍⵇⵀⵡⴰ ⴷ ⵡⴰⵜⴰⵢl » ⵍⵍⵉ ⵜⵙⵏⵎⴰⵍⴰ ⵜⵎⵔⵙⵍⵜ ⵏ « ⵄⵉⵔⴼⴰⵏ ⵏ ⵜⴰⵢⵙⵉ » ⵙⴳ 6 ⴰⵔ 8 ⴷⵓⵊⴰⵏⴱⵉⵔ 2025. ⵜⴰⵎⴰⴷⵔⴰⵡⵜ ⴰⴷ, ⵍⵍⵉ ⵉⴳⴰⵏ ⵜⴰⵎⵣⵡⴰⵔⵓⵜ ⴳ ⵡⴰⵏⴰⵡ ⵏⵏⵙ, ⵔⴰⴷ ⵜⵙⵎⵓⵏ ⵓⵎⴳⴳⴰⵢⵏ ⴳ ⵢⵉⴳⵔ ⵏ ⵍⵇⵀⵡⴰ ⴷ ⵡⴰⵜⴰⵢ, ⴷ ⵉⵎⵙⵢⵓⴼⴰ ⴷ ⵉⵎⵣⵣⵓⵍⴰⵏ, ⴷ ⵉⵎⵙⵡⵓⵔⵉⵢⵏ ⴷ ⵉⵎⵓⵣⴰⵢⵏ ⴷ « ⵍⴱⴰⵔⵉⵙⵜⴰ » ⴷ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ.
ⵉⵡⴰⵜⵜⵙ ⵓⵏⵎⵓⴳⴳⴰⵔ ⴰⴷ ⴰⴷ ⵉⵙⵙⵓⵎⴰⵏ ⴰⵙⴽⵜⴰⵏ ⴰⵎⴷⵔⵓ ⵏ ⵍⵇⵀⵡⴰ ⴷ ⵡⴰⵜⴰⵢ ⴳ ⵜⴷⵍⵙⴰ ⵜⴰⵎⵖⵔⵉⴱⵉⵜ, ⵍⵍⵉ ⵉⴳⴰⵏ ⵢⴰⵏ ⵓⴳⵣⵣⵓⵎ ⵖ ⵜⵎⴰⴳⵉⵜ ⵏ ⵓⵙⵏⵓⴱⴳ ⴷ ⵜⵎⵢⵓⵔⵉⵏ ⵏ ⵜⵓⴷⵔⵜ ⵜⴰⴽⵓⵢⴰⵙⵜ. ⵎⴽ ⵍⵍⵉ ⵔⴰⴷ ⵉⴳ ⵢⴰⵏ ⵓⵙⴰⵢⵙ ⴰⵎⵣⵣⵓⵍⴰⵏ ⵉ ⵓⵙⴼⵙⵉ ⵏ ⵓⴱⵓⵖⵍⵓ ⵏ ⵓⴳⴰⴷⴰⵣ ⴷ ⵓⵙⵉⴳⴳⵍ ⵏ ⵜⵎⵍⴷⴰ ⵏ ⵓⵙⵙⴰⵔⵓ. ⵔⴰⴷ ⵢⴰⵊⵊ ⵓⵏⵎⵓⴳⴳⴰⵔ ⴰⴷ ⵉ ⵉⵎⴼⴰⵔⵙⵏ ⴷ ⵉⵎⵙⵖⵏⴰⵏ ⴷ ⵉⵎⵣⵓⵣⵣⵔⵏ ⴰⴷ ⵎⵢⴰⴳⴳⴰⵔⵏ, ⵢⵉⵍⵉ ⵓⵍⴰ ⵓⵙⵎⵓⵜⵜⴳ ⵏ ⵜⵙⵓⴳⴰⵔ ⵙ ⵉⵎⵓⵇⵇⴰⵔⵏ ⴷ ⵜⵉⵙⴰⵡⵔⵉⵏ ⵜⵉⵜⵉⵇⵏⵉⵢⵉⵏ.
ⴷ ⵔⴰⴷ ⵜⴳ ⵜⵎⴰⵣⵉⵔⵜ ⵏ « ⵔⵡⴰⵏⴷⴰ » ⴰⵏⴱⴳⵉ ⵏ ⵓⵙⵙⵉⵎⵖⵔ ⴳ ⵜⵙⵓⵜⵍⵜ ⴰⴷ, ⵙ ⵍⵎⵙⵉⴱⵜ ⵏ ⵜⴰⵔⴰⵎⵉⵏ ⵍⵍⵉ ⴷⴰⵔⵙ ⴳ ⵉⴼⵔⵉⵇⵢⴰ ⵖ ⵏⴳⵔ ⵏ ⵓⵙⴱⵓⵖⵍⵓ ⵏ ⵍⵇⵀⵡⴰ, ⵍⵍⵉ ⵉⴱⴷⴷⵏ ⴼ ⵜⵢⴰⴼⵓⵜⵉⵏ ⴷ ⵜⵎⴰⴼⴰⵡⵜ ⴷ ⵓⵙⵎⵓⵜⵜⴳ ⵏ ⵉⵎⴼⴰⵔⵙⵏ.
ⴰⵖⴰⵡⴰⵙ ⵏ ⵓⵏⵎⵓⴳⴳⴰⵔ ⵉⵙⵎⵓⵏ ⵜⴰⴱⵔⵣⴰ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ ⵏ ⵍⴱⴰⵔⵉⵙⵜⴰ « Moroccan Coffee & Tea Masters », ⵍⵍⵉ ⵔⴰⴷ ⵢⴰⵡⵙ ⵖ ⵜⴰⴷⵔⴰⵡⵜ ⵖⵔ ⵜⴱⵔⵣⴰ ⵜⴰⵎⴰⴹⵍⴰⵏⵜ ⵏ ⵍⴱⴰⵔⵉⵙⵜⴰ ⵙⴳ ⵓⵙⴳⴳⵯⴰⵙ ⵏ 2027. ⵖⵎⴽⵍⵍⵉ ⵔⴰⴷ ⵉⵍⵉⵏ ⵉⵙⴼⵙⴰⵔⵏ ⵉⵏⴰⵥⵓⵕⵏ ⵣⵓⵏⴷ ⴳⵏⴰⵡⴰ, ⴷⴰⵇⵇⴰ ⵜⴰⵎⵕⵕⴰⴽⵛⵉⵜ, ⴰⵥⴰⵡⴰⵏ ⵏ ⴰⵏⴷⴰⵍⵓⵙ, ⵍⵎⵍⵃⵓⵏ ⴷ ⵙⵎⴰⵄ, ⴰⵎ ⵉⵙⴼⵙⵔⵜⵏ ⵉⴳⵔⴰⵖⵍⴰⵏⵏ ⵙⴳ ⵔⵡⴰⵏⴷⴰ, ⴰⵏⴷⵓⵏⵉⵙⵢⴰ, ⵍⴱⵉⵔⵓ ⴷ ⵊⴰⵣ.
ⴷ ⵔⴰⴷ ⵃⴰⴹⵕⵏⵜ ⵖ ⵓⵏⵎⵓⴳⴳⴰⵔ ⵜⵉⵎⵔⵙⴰⵍ ⵜⵉⵏⴱⴰⴹⵉⵏ ⴷ ⵜⵎⵣⵣⵓⵍⴰⵏⵉⵏ ⵜⵉⵅⴰⵜⴰⵔⵉⵏ, ⵣⵓⵏⴷ:
- ⵓⵏⵚⴰ (ONSSA): ⴰⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵏ ⵉⵢⴰⴼⵓⵜⵏ ⵉⵎⵙⴰⴷⵓⵔⵏ.
- ⵓⵎⴱⵉⴽ (OMPIC): ⴰⵙⵉⵔⴰ ⴰⵎⵖⵔⵉⴱⵉ ⵏ ⵜⵓⵡⴹⴼⴰ ⵜⴰⵎⴳⵓⵔⴰⵏⵜ ⴷ ⵜⵙⴱⴱⴰⴱⵜ ⵉⵜⵢⵓⴽⵍⴰⴼⵏ ⵙ ⵓⵣⵎⵎⴻⵎ ⵏ ⵜⵉⵎⵉⵜⴰⵔ ⵜⴰⵙⵖⵏⵣⵉⵜ ⴷ ⵜⵙⴱⴱⴰⴱⵜ.
- ⴰⵎⴷⵉ (AMDIE): ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⵏⴼⵍⵉⵜ ⵏ ⵉⵙⵙⴰⵔⵓⵜⵏ ⴷ ⵉⵙⵉⴼⴹⵏ.
ⴼ ⵓⵍⵎⵓⴳⴰⵔ ⵉⵙⵙⴷⵉⴷ ⵎⴰⵙⵙ ⴽⴰⵔⵉⵎ ⵕⴰⵎⵣⵉ, ⴰⵏⴱⴷⴰⴷ ⵏ ⵓⵏⵎⵓⴳⴳⴰⵔ, ⵎⴰⵙ ⴷ ⵜⴰⵡⵓⵔⵉ ⴰⴷ « ⵜⴳⴰ ⵜⵉⵏ ⵓⴼⵔⴰⴽ ⴷ ⵜⴰⴱⵔⴰⵜ ⵏ ⵜⴰⵢⵔⵉ ⴷ ⵜⵓⵙⴽⴰ ⵏ ⵜⵙⵓⵔⴰ ⴳⵔ ⵜⵉⴷⵍⵙⵉⵡⵉⵏ ».
ⵉⵣⴰⵢⴷ ⵉⵏⵏⴰ ⵎⴰⵙⴷ ⴰⵡⴰⵜⵜⵙ ⵓⵏⵎⵓⴳⴳⴰⵔ ⴰⴷ ⵉⴳ ⵎⵕⵕⴰⴽⵛ ⵜⴰⵎⴰⵥⵓⵏⵜ ⵜⴰⴼⵔⵉⵇⵉⵜ ⵏ ⵍⵇⵀⵡⴰ ⴷ ⵡⴰⵜⴰⵢ.
ⵕⴰⵛⵉⴷⴰ ⵉⵎⵔⵣⵉⴳ
