قصيدة من عيني “Sg tiṭṭ” للشاعرة الأمازيغية الليبية منيرة الحاج

Sg tiṭṭ

Sg tiṭṭ d wul, taṭṣa tbdd
slɣ s ills n tayri nnu sqqd

sg tiṭṭ d wul taṭṣa tbdd
slɣ s ills n tayri nnu sqqd

d a nari …

d a nari fus urjiji yuggd
d fllas d awal yusd

bddɣ amaṭu …

nttiqq d imṭṭawn tcurn tiṭṭ
g talji, awal s iɛṭab nns ɣri d giṭṭ

uṭnnɣ d talwit d taṭṣa tmda
uṭnnɣ d asirm g tmddurt mi niga

uṭnnɣ s wawal n argaz n imal
uṭnnɣ s imi nns ɣir matta ymmal

nuṭṭn aṭṭan a guda ntci t
matta nigas ! ntccin nxsi t

yxs fus sg ifas nnɣ a ykks
d tawurt f udm nnu yxs a yqqṣ

matta nigas !! ɣnn d tayri sg wul nns ynqqz
matta nigas !! d awal itawi d awal ygglz

bddɣ amaṭu …

nttiqq d lḥas nnɣ yerwl welyuc
nttiq ill ujnna ntwatr akuc

twatrɣ as

twatrɣ as …

ammak ittawid g tfuyt flla nnɣ ttfɣ
ad yawid mant g wul ncc xsɣ

twatrɣ as

twatrɣ as …

ammak ittawi d g wnẓar d iblem sg ijnnawn af ujnna isffɣ
ad yawi d mant ncc siss d siss ttddrɣ

twatrɣ matta g wul nnu
twatrɣ xsxtt dis nnu

bddɣ amaṭu …

nttiqq d imṭṭawn bddn rwlnn
d itran, d yur flla yudnn

zawu af tamurt nura nssut
zzat tiṭṭawin nnu, d fllas nmmut

nuggd taggda d siss turjiji tsa
matta nigas !! ɣir matta yxsa ?!.

Asfru s ufus n Tamdyazt: Tamaziɣt Anlibya, Monera Alhaj
Tawlaft n Anazur: Jamal Daoub

شاهد أيضاً

تيزنيت : مديرية التعليم تقصي الأمازيغية ونقابة تعليمية تدخل على الخط

طالبت نقابة الجامعة الوطنية للتعليم التوجه الديمقراطي، المدير الإقليمي للتعليم بتيزنيت بضرورة عقد اجتماع عاجل ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *